ATÜNNAK 17:6 - Cho Bible Common Language 2016

⁶ Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.

ATÜNNAK 17:6 Referans Kwoze

ATÜNNAK 17:4

“Kei naw thukhän ka ning pek ci, nang cu pakhui akda ah pa ah na kyak khai ciah phi shai ka tak ci.

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.

ATÜNNAK 17:16

Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

EZRA 4:20

Huham ah ciah ghangpughang gui naw ukgui u ne, Euphratis akhei täng khopäng avan ung khüt sei uk u ne, k’plam sok u ne akhon look man ci gui.

ATÜNNAK 17:20

Ishmaela ah phäh ah nang naw na ng’yoih cu ka ng’yak ci, ani am hriham ka pek khai, a hta akda, a htangshon akda ka pek khai. Ani cu bawimang gha lei goi ah pa ah kyak khai. A htangshon cu pakhui küi ah kyak khai.

ATÜNNAK 26:22

Cun ungka naw ng’plon ne a hei ah tuishawk ba mä ci. Cun ung ng’cuh nak a i phi kä om ba khäta, “Ng’päi ng’yee” ah aming sui ci. Ani naw, “Tuhbäi Bawipa naw shin ah khaw ung om vai ah ng’päi ng’zee nak na pe gui pyi ci. Shin ah khaw ung mi ng’bühmang khai nei” cik ci.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

ATÜNNAK 41:52

“Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

ATÜNNAK 47:27

Israel chang gui cu Egypt khaw Koshen ng’lei ung om u ne mang ne k’pyiing ci gui.

TAIGÜTHUM 26:9

Kei naw hrilham ning pe gui ne nami hta akda ka ning pe gui khai; nangmi awn ka bi ah thukhän, kei täng ung ka cu, kei naw ka k’pang khai.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 48:3

Jakob naw Joseph am, “A hlüngtai säih Khanpughi naw Kanaan khaw Luza hmun ung dang neta hrilham ana pek cu,

ATÜNNAK 48:4

Ani naw kei am, “Kei naw nang am hta akda ka ning pek khai, cun ah kyasei na ng’shon cu pakhui akda ah kya lawk khai. Shin ah khaw cu na hta ng’shon am ka pek khai. Ngami naw ngawi yä ami khaw nak vai nei” cik ci.