ATÜNNAK 17:5 - Cho Bible Common Language 2016

⁵ Na ming cu Abram ah kä kya ba ci, Abraham ah kyak ci, a i ah kyasei ci ung nang cu chang pakhui akda ah pa ah ka ning pyang pyi ci nei.

ATÜNNAK 17:5 Referans Kwoze

NEHEMIAH 9:7

Nang, Bawipa Khanpughi naw Abram cu na ghü ci Babilonia ungka Ur cu nawng ne hteh sak ne; ang ming cu Abraham ah na m’thawng pe ci.

ATÜNNAK 17:15

Khanpughi naw Abraham am, “Na chu cu Sarai ah kä na khü ba vai, tuhbäi ung tün ne aming cu Sarah ah kyak ci.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

ROMAN 4:17

Cun cu cacim theing ung, “Kei naw nang cu chang pakhui-van ah pa ah ka ning pyang ci nei,” cine a pyein ah mäih ah kya ci. Cun ah kya sei Khanpughi ah shaitaak cu kümbe ci. Khanpughi cu Abraham ah ngaih u, sik ciah chang gui ghin ba sak ci la, kä ng’tüi om man ci gui ng’tüi om sak ciah Khanpughi ah kyak ci.

JEREMIAH 20:3

A ngawi yung kho ngawi, Pashhur naw ana chah tuba khawn ah kei naw ani cu ka pyen nak ci, “Bawipa naw nang cu Pashhur ah kä ning sui ci. Ani naw aning pek ah ming cu kho ng’nü m’ghämce ci, ciah kyak ci.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

2 SAMUEL 12:25

ani naw prophet Nathan cu Thumkhän ne ak hmaw cu Jedidiah ah a ming sui sak ci, a i ah kyasei ci ung Bawipa naw ani cu m’hni ci.

KHEI NAK 13:16

Shin gui cu cun khaw ung ng’däät khai gui ah Moses naw a tüih gui ah sübük gui ah kyak ci. Ani naw Nun ah hta Hoshea ah ming cu Joshua ah sui ba ci.

ATÜNNAK 35:10

Khanpughi naw, “Na ming cu Jakob ah kyak ci, cun ung phi tuhbäi ung tün ne, Israel na ming nak khai” cine Khanpughi naw Israel ah a ming sui ci.

ATÜNNAK 32:29

Jakob naw, “Na ming cu na m’thein ä” cik ci. Ani naw, “A i ah kyasei kei ah ming na hmat hlü ang?” ci neta Jakob am hriham pek ci.

1 SHONTÄP NAK 1:27

la Abram (Abraham ah phi ami hmat).