ATÜNNAK 17:21 - Cho Bible Common Language 2016

²¹ Cun ung phi tuhbäi chü, Sarah naw a hta law nak vai ah na htapa Isaak am kei naw thukhän ka pek khai” cik ci.

ATÜNNAK 17:21 Referans Kwoze

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

ATÜNNAK 18:10

Ngami ungka tumat naw, “A cha kaw nak ung, ka law ba khai, cun yah ung na chu Sarah cu pami hta ah hta lawk khai” cik ci. Cun a cicu m’kawt ah akpung lam ah om ciah Sarah naw ng’yak ci.

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

ROMAN 9:9

Khanpughi naw, “A khin a khüm law ung kei ka lawk khai, Sarah cu k’pami hta ah hta lawk khai nei,” cine Abraham am shaitaak nak pek ci.

LAMKTU 1:7

Bawipa Jesuh naw, “Akhin cu Pa Khanpughi ah m’khüt näng nak bäng ah kyak seih nang mi naw na mi hmat vai ah kä kyak ci.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

LUKA 1:55

Ani naw Abraham am am dang ah am gein nak cu, hta ng’shon ung dang lä ci nei” cine ng’äi ci.

JOB 14:13

Sih nak ah kho ungka a na thuh vai ah ka ng’ya hlük ci nei; na m’lungshe nak kä ang pyi pha ah chuih na ng’thuh sak ä. Na na shüm nak ba vai ah akhin phi nak bäi pe ä.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

ATÜNNAK 46:1

Jakob cu a khawh gui m’khäp sen neta, Beerasheba ah hteit ne apa Isaak ah Khanpughi cu khawihnah ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

ATÜNNAK 18:14

Bawipa ah kä m’khüt a i om ne ang? Ka pyen ah mäih ah acha kaw nak ung ka law ba khai, Sarah cu pami hta ah hta khai nei” cik ci.

ATÜNNAK 21:1

Bawipa naw a shaitak ah mäih ah Sarah cu hriham pe sei,