ATÜNNAK 17:19 - Cho Bible Common Language 2016

¹⁹ Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

ATÜNNAK 17:19 Referans Kwoze

ATÜNNAK 21:6

Sarah naw, “Khanpughi naw yei vai, gaih vai na pek ci nei. Kei ah mawng ng’ya tuk ciah chang phung gaih tuk khai gui nei” ci neta,

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 17:21

Cun ung phi tuhbäi chü, Sarah naw a hta law nak vai ah na htapa Isaak am kei naw thukhän ka pek khai” cik ci.

LUKA 1:55

Ani naw Abraham am am dang ah am gein nak cu, hta ng’shon ung dang lä ci nei” cine ng’äi ci.

HEBRU 11:11

Abraham cu ghi law pyii ci, Sarah cun phi hta khai ah kä kya ba pyii ci, cun ung phi amät ah yum nak awn, Abraham cu a hta om sei pa ah kyak ci. Khanpughi cu a shaitaak ah mäih ah bekhüt ciah ani naw yum ci.

ATÜNNAK 9:16

Khongmei ung yapi angdang law ung kei naw hmu ne, kei la khomdek khan ak ghing gui ah ng’lak ung angtäi om ciah ng’thukhän cu ka shüm ba khai nei.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

ATÜNNAK 17:16

Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

ATÜNNAK 17:18

Abraham naw, “A i ah kyasei Ishmaela naw ka pakhui kä ah m’düng hning vai ang?” cine ng’shik ci.

ATÜNNAK 26:2

Bawipa cu Isaak ah ma ah dang law neta, “Egypt khaw ah kä na hteh vai, kei naw na om nak vai ka pyen ah a shin ah khaw ung na om vai.

ATÜNNAK 16:11

Nang cu pami ah na hta khai, aming cu Ishmaela ah na sui khai, a i ah kyasei ci ung Bawipa naw yaica ne na kyah cu ng’ya pyi ci nei.