ATÜNNAK 17:17 - Cho Bible Common Language 2016

¹⁷ Abraham naw a hmai naw m’dek tawn khai ah kawp neta, amlung kyong ah gaih ne, a khawkum phia law pyi ciah chang cu hta ba hning khai aw? Khawkum 90 law pyi ciah Sarah cu hta hning khai aw?” cine amlung kyong ah ngaih-tüh neta;

ATÜNNAK 17:17 Referans Kwoze

THU PHLAAN 11:16

Khanpughi ah maa ah mangkiaang gui ung ngok ci gui ah a ghaampa m’ku lei-phli naw, Khanpughi cu khawihnah u netah,

JOHAN 8:56

Nami pa Abraham cu kei ka law vai ah a khin hmu lawk khai kya ne yei ci, acun hmu tuk cang ci kya ne yeikyai ci,” ci na gui ci.

ATÜNNAK 21:6

Sarah naw, “Khanpughi naw yei vai, gaih vai na pek ci nei. Kei ah mawng ng’ya tuk ciah chang phung gaih tuk khai gui nei” ci neta,

ATÜNNAK 18:12

Cun ah kyasei Sarah cu amät gaih neta, “Kei phi ka ghi lawk ci, ka cei phi ghi lawk ci, Kani ip om ba hning kheng khai aw?” cik ci.

ATÜNNAK 17:3

Abram cu a hmai m’kyum ne kawp khätah Khanpughi naw,

EZEKIEL 1:28

Cun ah avai gui avan cu zapi ah mäih ah kyak ci. Shin cu Bawipa ah om ah mawng dang sak ciah akdei khang ah kyak ci. Kei naw cun cu hmu neta m’dek ung ka hmai gawk khai ah ka kiuk ci. Cun kawn ah ka ng’yak ah k’aw cu,

THU PHLAAN 5:8

Cun ah a lak vai-am khiküi paphli la aghaampa m’ku-lei-phli cu, htomehta ah maa ah kawp yawp u ne, ak chang sing naw tingtäu bäng bäng la Khanpughi ah chang gui ah taigü nak ah kya ciah tui ng’uui awn be ciah ghui eikbei gui cu kawt sek sek u netah,

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

DANIEL 8:17

Kabriel cu law ne ka pei ah ng’düi sei, kei cu kyih aih neta m’dek ung kyu ne ka ng’yän ci. Ani naw na pyen nak ci, “Chang aw, amawng cu hmat ä, shin ah muimang cu kho ah ng’pyi nak vai ah a mawng ah kyak ci.”

1 SHONTÄP NAK 21:16

David naw, khanchang cu a kut ung a khimsem kawt ne, Jerusalem cu m’ding ge khai ah khokhi ung ng’düi sei hmuk ci. Cun kawn ah David la ami ng’vaihta gui-ami van naw suishe sui u ne-ami hmai naw m’dek tawn khai ah kawp ci gui.

SUKI GUI 13:20

Sonkiang ung ka mei däi ne ang düih law yah ung, Bawipa ah khanchang cu meidäi ung khankho täng ah hang kai vii sei, Manoah la akchu naw hmuk ci goi. Cun kawn ah Manoah naw cun ah chang cu Bawipa ah khanchang ah hma ci. Cun kawn ah ani la akchu cu m’dek täng ah hmai ne ung kaup ci goi. Cun kawn ah ngani naw khanchang cu kä hmu bap hung ci goi.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

JOSHUA 5:14

Cun ah chang naw, “Ka nei, Kei cu shin ung Bawipa ah gakap bawi ah ka kyak ci nei” cik ci. Joshua naw m’dek ung bawp ne khawihnah neta, “Bawi aw, kei cu na na changshäm nei, a i ka bi vai ang na ng’yak hlü?” cine ng’shik ci.

THULÄÄN NAK 9:25

“Cun ah kyasei kei cu m’dek ung ka hmai m’kyum ne Bawipa ah ma ah hnüüp phlikip la mü phlikip ka om ci. A i ah kyasei ci ung nangmi ning m’di gui khai ah ak bäi pyi cu kei naw ka hmat ci.

THULÄÄN NAK 9:18

Cun kawn ah kei naw ka hmai ka ah m’kyum ne Bawipa ah om nak ung hnüüp phlikip la mü phlikip ung a i kä ei awk ah ka om ci. Kei naw cun ah ka bi cu nangmi naw katnak bi u ne Bawipa nami hnungtuk püi ah phäh la m’lungshe khai ah nami bi ah phäh ah kyak ci.

KHEI NAK 16:45

“Shin ah chang gui ah ami hnu ung ng’düi vä, Kei naw a shin ung ka m’di law gui khai.” Ngani ani nik hnih cu m’dek ung hmai na ne kawp ni neta,

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

KHEI NAK 14:5

Moses la Aaron cu chang avan ah ma ah m’dek ung m’khukdong ci goi.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

LUKA 1:18

Zechariah naw khankho chang-am, “Cun ah a kyak vai cu a i hawk cha ka hmat khai ang? Kei phi ka ghi lawk ci, ani phi ghi lawk ci” cine pyein ci.

ATÜNNAK 17:18

Abraham naw, “A i ah kyasei Ishmaela naw ka pakhui kä ah m’düng hning vai ang?” cine ng’shik ci.

ATÜNNAK 18:11

Abraham la Sarah cu ghi law pyi ci goi. Sarah cu a chashui phi kä om ba ci.

ATÜNNAK 21:5

Isaak a hta nak yah ung Abraham cu a khawkum phia lawk ci.

ATÜNNAK 21:7

“Sarah naw a hta am suuk tuu khai nei, cine Abraham ah ma ah a u naw ang a pyen? A ni a ghi law kawn ah ani ah phäh ah kei ka hta ci nei” cine pyen ci.