ATÜNNAK 17:16 - Cho Bible Common Language 2016

¹⁶ Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

ATÜNNAK 17:16 Referans Kwoze

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

ATÜNNAK 17:6

Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.

1 PETER 3:6

Sarah cu Abraham ah ng’thu ngai ne, a cei cu, “Ka bawi yoi,” ci ne khü ci. Nangmi cu kyihkyawk nak kä om sei, ak ni ah nami om ah a kyak ung, ani ah hta gui ah nami kyak khai.

ROMAN 9:9

Khanpughi naw, “A khin a khüm law ung kei ka lawk khai, Sarah cu k’pami hta ah hta lawk khai nei,” cine Abraham am shaitaak nak pek ci.

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 1:28

Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

KALATIAN 4:23

Khlei htein hnumi ah hta cu, hta man düt ah a hta nak ah kyak ci; ng’päi om hnumi ah a hta läi cu Khanpughi ah shaitaak awn ng’tüi lawk ciah kyak ci.

ATÜNNAK 17:15

Khanpughi naw Abraham am, “Na chu cu Sarai ah kä na khü ba vai, tuhbäi ung tün ne aming cu Sarah ah kyak ci.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

ATÜNNAK 21:1

Bawipa naw a shaitak ah mäih ah Sarah cu hriham pe sei,

ATÜNNAK 25:23

Bawipa naw ani am, “Na puk kyong ah chang pakhui hnih om ci, Nang cu ng’lakmah ciah chang pa hnih ah na hta khai. Tumat cu gai pi khai, Ang vaipi cu ak hmaw pi ah täkphan ah om khai” cine pyen nak ci.

ATÜNNAK 36:31

Israel khaw ung ghangpughang kä a om pha ung Edom khaw uk ciah ghangpughang gui cu shin ah kyak ci: Beor ah hta Bela, Dinhabah gawnu ungka, Zerah ah hta Jobab, Bozrah gawnu ungka, Husham, Teman kaw ah ka, Bedad ah hta Hadad, Avith gawnu ungka, (Ani naw Moab khaw ung Midianit chang gui cu tu ne näng gui ci.) Marsekah khaw ah kaa Samlah, Rehoboth khaw tui pei ah kaa, Shaula, Akbora ah hta Baala Hanam, Pau khaw ah kaa Hadad, (Akchu cu Mehetabela Matred pa na ne, Mezahab pughi nak ci.)

ATÜNNAK 15:4

Cun kawn ah Bawipa ah ng’thu angyak bamä cu, “Shin ah changshäm naw pakhui kä m’düng khai, na mät ah na hta naw na pakhui m’düng khai nei” ci neta,