ATÜNNAK 17:14 - Cho Bible Common Language 2016

¹⁴ Vun-ah nak kä bik ciah pami cu kei ah chang ah kä kyak khai, ani cu kei ah thukhän m’shet ciah kyak ci nei” cine pyen ci.

ATÜNNAK 17:14 Referans Kwoze

PHYAWN NAK 12:19

Hnüüp chih ah kyong ung nami im kyong ah k’caw kä a om en vai, tumat mat ung a om ah a kyak ung, khaw mah ah a kyak ung phi, khaw hei chang ah a kyak ung phi, k’caw shum ah m’htut ei ci phung cu, kei ah ka chang ah kä kya tuba khai nei” cik ci.

1 KORIN 11:29

Bawipa ah pumsa ah mawng kä hmat men netah, m’htut cu ei ne, khap ung awk ciah chang cu, amät ah khan ah m’khoichaa nak a gawk law nak vai ah ei awk ciah kyak ci.

1 KORIN 11:27

Kä khinkhaa lang ne Bawipa ah m’htut ei ne khap ung aw tuk ciah chang cu, Bawipa ah a si la a sa hnu ng’tuk püi ne m’cheishoh ciah kyak ci.

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

ISAIAH 33:8

Lam ng’shawng nm gui cu kyih vai kyasei cun ung a u kä hteit ba ci nei. Ami thukhän gui cu m’shat u ne, ami yum ätnak gui cu plawh pyi ci gui nei. A u naw a i phi kä changm’sui law ba ci nei.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

SAM 55:20

Ka teihpüi k’phyim naw a püi gui ng’tuk püi gui ne, a shaitak phi m’shet ci.

TAIGÜTHUM 19:8

Cun ei ciah chang cu katnak bik ciah kyak ci, kei am ami na vawihpeh a i baw düt ah cik ciah kyak ci, ani cu kei ah chang ah kä kya tuba khai.

TAIGÜTHUM 18:29

Nangmi nami hmat ci, shin ah kä akni bik ciah chang phung cu, Khanpughi naw a chang tumat ah kä k’bäi ba khai.

TAIGÜTHUM 7:27

Chang tumat mat naw shin ah thumkhän am shet ah a kyak ung, ani cu Khanpughi ah chang tumat ah kä kya tuba khai.

TAIGÜTHUM 7:25

Chang tumat naw Bawipa am ei-douthak ah douthak ah seime ah a thau a ei ah a kyak ung, ani cu Khanpughi ah chang ah kä kya tuba khai.

PHYAWN NAK 30:38

Chang tumat mat naw shin ah mäih ah pyang ne ang ui a mang ah a kyak ung, ani cu kei ah chang ah kä kya tuba khai.

PHYAWN NAK 30:33

Shin ah mäih ah bik ciah chang, taigü ah kä kyak ciah khan ah mang ciah chang cu kei ah chang ah kä kya tuba khai nei’ cik ci.”

PHYAWN NAK 12:15

Bawipa naw, “Khaw hnüüp chih ung k’caw shum ah m’htut kä nami ei en vai, k’caw kä shum ah m’htut bäng nami ei vai. A hnüüp ät hnüüp nami im ungka k’caw avan nami ghawh vai. Cun ah hnüüp chih ah kyong ung chang tumat mat naw, k’caw shum ah m’htut a ei ah a kyak ung ani cu kei ah chang ah kä kya ba khai.

ATÜNNAK 17:15

Khanpughi naw Abraham am, “Na chu cu Sarai ah kä na khü ba vai, tuhbäi ung tün ne aming cu Sarah ah kyak ci.

ATÜNNAK 34:14

Ngami naw, “Kami bee cu vun aat ne kä ng’kyon ciah chang awn kä kami ng’pui khah sak hlawt khai, cun cu thui ng’aa nak vai ah kyak khai.

TAIGÜTHUM 23:29

Cu hnüüp ung chang tumat mat naw ei a ei ah a kyak ung, ani cu Khanpughi ah chang tumat ah kä k’bäi ba vai.

KHEI NAK 9:13

Cun ung phi a u chang phi theingthap ne, lam ak shou kä theit ne om lang ne, phyawn nak pawi kä bi tuk ciah chang cu, kei ah ka chang ah kä kya tuba khai. A i ah kyasei ci ung ani naw k’äi nak ah a khin ung douthak nak kä na pek law ah hmawk ah kyak ci. Ani naw a katnak ah mawngma phung cu avan ma nak khai.

EZEKIEL 44:7

Ngami naw kei ah Taigüim cu kei ah ng’thu kä ngai ciah chang gui, vun-ah nak kä bik ciah a khohei chang gui luh sak gui ne lelawi sak ci gui nei, khawihnah nak ah athau la asi cu kei am ami na douthak yah ung ngami cu Taigüim ung lut ci gui nei. Cun ah kyasei ka chang gui naw shemshai ci gui avan bi u ne, kei ah thukhän cu m’shet ci gui nei.