ATÜNNAK 17:13 - Cho Bible Common Language 2016

¹³ Changshäm ah hta la chang hleih phi vun-ah nak nami bi pek vai. Cun cu ka thukhän nangmi ung angtäi ah a om ah mawng pumsa awn m’hnüt nak ah kyak ci.

ATÜNNAK 17:13 Referans Kwoze

PHYAWN NAK 12:44

Cun ung phi vun ah nak nami pek awn ah nami chang hleih läi naw ei tu sä.

NEHEMIAH 5:8

Ka pyen nak gui cu, “Keimi naw kami m’khüt hning hlawk ah, ami mät naw ami mät a khohei chang gui ah ami yoih gui ah Jew phäi nau gui cu kami hleih ba gui ci gui nei. Tuhbäi nami mät ah phäi nau gui cu k’tut gui u ne, nami Jew chang gui mät ah ami mät ami ng’zoih vai!” Cun ung ami ng’vai gui cu a i kä pyen ba hning ne, kyip ah om ci gui.

ATÜNNAK 37:36

Joseph läi cu Midian chang gui naw Egypt khaw ah ghangpughang ah gabawi Potipha ah yoi ba ci gui.

MATTHE 18:25

Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.

NEHEMIAH 5:5

Keimi cu kami Jew chang paw gui ah mäih ah pakhui ät ah kami kyak ci. Keimi ah hta nau gui cu ngami ah htanau gui ah mäih ah kä bä tuk ci gui ah kya ne ang? Cun ung phi keimi naw kami htanau gui cu changshäm ah kami kyak sak gui ci nei. Kami htahnumi gui amshah cu changshäm vai ah yoih gui pyi nei. Kami lo gui la sapyitdum gui cu chang gui naw ami lak pyi ah kyasei keimi cu amgeinkaa ah kami kyak ci nei,” cik ci gui.

PHYAWN NAK 21:16

“Chang m’gu neta yoi ci, kä cung khleihtein ah hmoh ciah chang cu amät ngawn vai.

PHYAWN NAK 21:4

A bawi naw chumah sak sei pami, hnumi ah a hta ah a kyak ung, hnumi la a hta gui cu a bawi ah kaa ah kyak ci, pami a mät cu a hteh vai.

PHYAWN NAK 21:2

Hebru changshäm nami hleih ah a kyak ung, ani naw kum chuk ung nami bii a bi vai. A kum chih ung ani cu a i kä pek sak ne nami hlawt vai.

ATÜNNAK 39:1

Tuhbäi Ismaela chang gui naw Joseph cu Egypt khaw ah hteh püi u ne, Potipha ah yoi ci gui. Potipha cu ghangpughang ah bawi, mang im gakap ng’vai ah kyak ci.

ATÜNNAK 37:27

Ani cu mi si, mi sa mi nau ah kyak ci, kä mi ngawn hnga ne, Ismaela chang gui am mi yoih na gui kaw” cisei ami van naw yum u neta,

ATÜNNAK 15:3

Nang naw ka htapa vai kä na pek ci sei, ka changshäm naw ka pakhui m’düng khai kyak ci nei” cik ci.

ATÜNNAK 14:14

Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci.

ATÜNNAK 9:16

Khongmei ung yapi angdang law ung kei naw hmu ne, kei la khomdek khan ak ghing gui ah ng’lak ung angtäi om ciah ng’thukhän cu ka shüm ba khai nei.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

TAIGÜTHUM 22:11

Cun ung phi taigü ah changshäm, amät ah ngui awn ak hleih, kä cunung, a im ung ami hta nak naw, taigü ah ak chaw cu ei tu hning ci.