ATÜNNAK 17:12 - Cho Bible Common Language 2016

¹² Nami htangshon ung pami ah nami hta phung cu hnüüp cheit a lüng ung vun-ah nak nami bi vai. Nami changshäm naw nami kyong ah a hta nak la nami chang hleih phi vun-ah nak nami bi pek vai.

ATÜNNAK 17:12 Referans Kwoze

TAIGÜTHUM 12:3

A hnüüp cheit hnüüp a hmaw cu kyon vai ah kyak ci.

LUKA 2:21

Ak hmawhta cu hnüüp chih lüng sei vun-ah nak ami bi nak ah hnüüp ung “Jesuh” ah ang ming sui ci gui. Cun cu kä ami m’gai nak pha ge ung khankho chang naw sui vai ah a pyein ah kiak ci.

PHILIPPIAN 3:5

Kei cu khaw hnüüp chih ka law yah ung vun-ah nak ka gah ci. Kei cu Israel chang, Benjamin pakhui, Hebru nupa nah ne ka ng’tüi lawk ci. Jew gui ah thukhän läk nak pyein law ung kei cu Pharisee tumat ah ka kyak ci.

LUKA 1:59

Ak hmawhta hnüüp chih lüng sei, vun-ah pawi ami bi nak ung law tuk ciah chang gui naw, apa ah ming, Zechariah bä ah sui ba vai ah ng’ya hlük ci gui.

ROMAN 2:28

Cun kawn ah Jew chang ah chang naw ang ngaih phung cu Jew chang ah kä kyak ci. Chang tumat cu vun-ah nak a bi nak düt awn Jew chang ah kä kya lawk ci nei.

LAMKTU 7:8

Cun kawn ah Khanpughi naw, ang thu m’khän am dang nak ah, vun aat nak ah mawng cu Abraham am ap ci. Cun ah kiah sei Abraham naw, a hta Isaak cu ami hta nak ah ak hnüüp cheit ung van aat nak bi pek ci. Jakob naw a hta sing gha-lei-gawi phi, vun aat nak bi pe gui ci. Jakob ah hta gui cu changpakhui gha-lei-gawi ah pa gui ah kya lawk ci gui.

ATÜNNAK 21:4

Isaak cu hnüüp cheit lüng pha sei, Khanpughi ah thukhän ah mäih ah Abraham naw vun-ah nak bi pek ci.

ATÜNNAK 17:23

A cu hnüüp Khanpughi ah ng’thu ngai neta Abraham naw a htapa Ishmaela cu vun-ah nak bi pek ci. A im ung om ciah pami avan la changshäm, chang hleih gui phi vun-ah nak bi pe gui ci.

PHYAWN NAK 12:44

Cun ung phi vun ah nak nami pek awn ah nami chang hleih läi naw ei tu sä.

PHYAWN NAK 22:30

Nami sei me ah hta htük gui cu nami na ap vai. Sei me ah hta htük gui cu ani ung hnüüp chih om khäta, a hnüüp cheit hnüüp kei am nami na thak law vai.