ATÜNNAK 17:10 - Cho Bible Common Language 2016

¹⁰ Pami ah nami hta phung ung vun-ah nak nami bi vai ah nang la na htangshon naw nami yum vai.

ATÜNNAK 17:10 Referans Kwoze

LAMKTU 7:8

Cun kawn ah Khanpughi naw, ang thu m’khän am dang nak ah, vun aat nak ah mawng cu Abraham am ap ci. Cun ah kiah sei Abraham naw, a hta Isaak cu ami hta nak ah ak hnüüp cheit ung van aat nak bi pek ci. Jakob naw a hta sing gha-lei-gawi phi, vun aat nak bi pe gui ci. Jakob ah hta gui cu changpakhui gha-lei-gawi ah pa gui ah kya lawk ci gui.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

ROMAN 3:30

Khanpughi cu tumat bäng om ci, Jew chang gui cu ami yum nak awn amät ung düng sak gui khai; acun ah mäih ah chang khui hei gui cun phi ami yum nak awn amät ung düng sak gui khai.

JOSHUA 5:2

Cun kawn ah Bawipa naw Joshua a pyen nak cu, “Lung m’ghai khim pyang ne Israel gui cu vun-ah nak na pek gui vai.

ATÜNNAK 17:11

Vun-ah nak nami bi cu kei la nangmi ah ng’lak ung m’hnütbäi nak ah thukhän ah kyak ci.

EPHESIAN 2:11

Ayan ä nang mi cu pumsa awn bi vai kä nami bi tuk ciah kyasei, chang khui hei ah ami ning khü gui cu nami shüm ba vai nei. Pumsa awn bi ah vun ah nak bik ciah Jew chang gui naw, nangmi cu vun ah nak kä nami bi tuk ciah ning khei gui ci gui.

KALATIAN 6:12

Nang mi naw vun ah nak nami bi vai ah ning ling na gui ci gui cu, ak pung bi nak awn khähghah hlük ci gui ah kyak ci nei. Ngahmi cun ah ami ling cu, Bawi Khrit ah kutlam tung ah hmawk ah k’dudeiu nak ami aut vai ami kyih su ah kyak ci nei.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

ROMAN 3:28

Chang cu a yum nak bäng awn vah Khanpughi ung ng’düng nak gah ci, thukhän läk nak awn gah ah kä kyak ci, cicu mi hmat ci.

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

ROMAN 2:28

Cun kawn ah Jew chang ah chang naw ang ngaih phung cu Jew chang ah kä kyak ci. Chang tumat cu vun-ah nak a bi nak düt awn Jew chang ah kä kya lawk ci nei.

JOHAN 7:22

Moses naw ‘Nami hta gui cu vun-aat ne nami kyon gui vai’ ci sei, kyin hnüüp ung phi ak hmaw cu vun-aat ne nami kyon ci. (Cun cu Moses ah tün law ah kä kyak ci, nami pupa gui ah bi man ah kyak ci), cun ah kyasei nangmi naw pami hta cu kyin hnüüp ung vun-ah nak nami bik ci.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

JOSHUA 5:4

Israel gui naw Egypt ami hteh tak yah ung, pami gui ami van vun ami ah gui pyi ah kyak ci. Cun ung phi ngami naw bungpuk ami kan yah ung, kum phlikip ah kyong ung, a u a hmaw pami phi vun-ah nak kä pe ba ci gui. Egypt khaw ami hteh tah yah ung ng’tuk bi hning khai ah chang gui phung cu acun ah khin ung si yawp ci gui, a i ah kyasei ci ung ngami cu Bawipa kä ami ngaih ah phäh ah kyak ci. Ani ah thutaam ah mäih ah ani naw ami pupa gui am shai atak ah bühmang ne ang’lei nik ciah khaw cu ngami am kä hmuh tu sak gui ci.

THULÄÄN NAK 10:16

Cun ah kyasei tuhbäi ung tün ne, Bawipa cu ngai vä, nami linglai nak cu ng’düm vä.

PHYAWN NAK 12:48

Cun ung phi vun-ah nak kä bi phak ci naw, kä a ei tu vai. A khaw hei chang nami ng’lung ah om tu ne, Bawipa m’taam nak ah phyawn nak pawi a bi tu hlü ah a kyak ung ani ah im ungka pami avan cu vun-ah nak nami pek ma vai. Ani cu Israel chang khaw ng’lei mah ah mäih ah nami om püi ung shin ah pawi cu a bi tu vai.

PHYAWN NAK 4:25

Akchu Zipporah naw, lung k’ghaat cu la ne a hta ah vun cu aat neta, Moses ah khaw ung taih ci. Cun ah vun a ah ah hmawk ah ani naw Moses am, “Nang cu si ah kyak ciah ka cei ah na kyak ci nei” cik ci. Cun ah kyasei Bawipa naw Moses cu luat sak ci.

ATÜNNAK 34:15

Nangmi cu pami avan naw vun aat tu u ne, keimi ah mäih ah nami om tu ah a kyak läi ung kami yum khai nei.

ATÜNNAK 17:23

A cu hnüüp Khanpughi ah ng’thu ngai neta Abraham naw a htapa Ishmaela cu vun-ah nak bi pek ci. A im ung om ciah pami avan la changshäm, chang hleih gui phi vun-ah nak bi pe gui ci.

ATÜNNAK 17:27

Abraham ah changshäm gui awn a täng ah vun-ah nak bik ci goi.

ATÜNNAK 21:4

Isaak cu hnüüp cheit lüng pha sei, Khanpughi ah thukhän ah mäih ah Abraham naw vun-ah nak bi pek ci.

ATÜNNAK 34:22

Cun ung phi mikmi pami avan naw, ngami ah mäih ah vun aat ne mi ng’kyon tu ah a kyak ung, mikmi awn pakhui ät ah kya ne om tuk khai gui kyak ci nei.