ATÜNNAK 16:2 - Cho Bible Common Language 2016

² Cun ah kyasei ani naw Abram am, “Bawipa naw ka hta vai kä na pek ci, changshäm hnumi hta cu na ih püi vai, ani ung a hmaw ng’tüi hman hngaw khai nei” cine pyen nak ci. Abram naw Sarai ah pyen cu yum ci.

ATÜNNAK 16:2 Referans Kwoze

PHYAWN NAK 21:4

A bawi naw chumah sak sei pami, hnumi ah a hta ah a kyak ung, hnumi la a hta gui cu a bawi ah kaa ah kyak ci, pami a mät cu a hteh vai.

ATÜNNAK 18:10

Ngami ungka tumat naw, “A cha kaw nak ung, ka law ba khai, cun yah ung na chu Sarah cu pami hta ah hta lawk khai” cik ci. Cun a cicu m’kawt ah akpung lam ah om ciah Sarah naw ng’yak ci.

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

RUT 4:11

Cun ung angvai gui la chang gui naw, “Ä, keimi cu saksi ah kami kyak khai nei. Bawipa naw na chu cu, Rachela la Leah cu Jakob awn akda ah ami hta ah mäih ah akda ah hta sak sä. Nang cu Ephrath pahta ung bühmang ne Bethlehem ung na mingthang sä.

ATÜNNAK 30:22

Cun kawn ah Khanpughi naw, Rachelah cu shüm ba ne, a taigü cu ngaih pe neta, a hta vai cu pek ci.

ATÜNNAK 25:21

Rebekka cu kä hta khäta, Isaak naw Bawipa ah taigü pek ci. Bawipa naw a taigü ngai sei Rebekka cu kämah lawk ci.

ATÜNNAK 17:16

Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

ATÜNNAK 3:12

Chang naw, “Nang naw na law püi ah hnumi naw sing theih cu na pe sei ka ei ci nei” pyen ci.

ATÜNNAK 30:6

Rachelah naw, “Khanpughi naw kei lam ah om ne m’khoichak ci nei, ka taigü ngai ne htapa na pek ci” ci neta a ming cu Dan ah sui ci.

ATÜNNAK 19:31

A hta hnumi angvai ba naw a nau am, “Ni pa cu ghi lawk ci, nikni ni ng’shon khai ah na k’chu na goi khai ah pami khomdek khan ung a u kä om ci.

ATÜNNAK 11:30

Sarai cu kä hta ci.