ATÜNNAK 16:10 - Cho Bible Common Language 2016

¹⁰ Khankho chang naw pyen bamä ne, “Chang naw kä a khei tai vai ah da khai ah ka ning shon sak khai.

ATÜNNAK 16:10 Referans Kwoze

ATÜNNAK 17:20

Ishmaela ah phäh ah nang naw na ng’yoih cu ka ng’yak ci, ani am hriham ka pek khai, a hta akda, a htangshon akda ka pek khai. Ani cu bawimang gha lei goi ah pa ah kyak khai. A htangshon cu pakhui küi ah kyak khai.

ATÜNNAK 21:18

Ng’düi law ne, hteit ne, a hmaw m’tho ba ne m’htei ä. Shin ah a hmaw ah htangshon cu pakhui küi ah ka pyang khai” cine pyen nak ci.

ATÜNNAK 21:13

Shin ah changshäm ah hta phi akda ah ka ng’shon sak khai, cun gui phi pakhui na ne om khai gui, ani phi na hta ah kyak ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

SUKI GUI 6:16

Bawipa naw, “Nang naw na bi hning khai, a i ah kyasei ci ung kei naw ka ning m’htei khai. Nang naw Midianit gui am chang tumat bi ah mäih ah na hnimdep gui khai.”

SUKI GUI 6:11

Cun kawn ah Bawipa ah khanchang cu Ophrah gawhta ah law neta, Abiezer pahta ung ka, Joash ah akhäm, m’dung ghing ka ah ngok ci. Ani ah hta kideon cu sapyit hung ung adüm ah htang m’häi ne om ci, cun ah kiasei Midianit gui naw kä hmuk ci gui.

ATÜNNAK 21:16

likah vai hlawk ung hteit ne ngaw ne ngäng ci. Cun kawn ah amät ng’htau ne, “Ka hta a sih cu kä ka hmu hlük ci nei” ci neta, a ngawh nak ung kyap ne m’lau ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 16:9

Khankho chang naw, “Na bawinu ah hteit ba ne a changshäm ah na kyak ba vai nei” cik ci.