ATÜNNAK 15:9 - Cho Bible Common Language 2016

⁹ Ani naw, “Kum thum ci kum nak ciah seipat tumat, me tumat, htawme hta akhla tumat, la müm bawk tumat, müm tumat cu kei ah law püi vä” ci sei,

ATÜNNAK 15:9 Referans Kwoze

LUKA 2:24

müm kha hnih la cholung hnih phi Khanpughi-am pe ne nami taigü vai” ciah om ci kyasei, acun ah taigü ci gui.

TAIGÜTHUM 14:30

Cun kawn ah ani naw mümbawk kä cung mümkha tumat cu a douthak vai.

TAIGÜTHUM 14:22

Ani naw mümbawk hnih baw, mümkha hnih baw a law püi vai, tumat cu katphyawn douthak nak vai, tumat cu m’khih ne douthak nak vai.

TAIGÜTHUM 9:2

Ani naw Aaron am, “Api ah phi kä kheihlik ciah vantang hta la htome hta cu la neta Bawipa am na douthak vai, vantang hta cu katphyawn-douthak nak ah kyak khai, htome hta cu m’khih ne douthak nak ah kyak khai.

TAIGÜTHUM 3:6

Me baw, htome baw hmuhchum douthak nak ah mang vai a kyak ung, akhik phi bäi, ak hla phi bäi khai, cun ung phi kä kheihlik en khai.

TAIGÜTHUM 3:1

Chang tumat naw a sei cu hmuhchum-douthak nak ah a law püi ah a kyak ung api ah phi kä kheihlik en ciah sei, vantang ah kyak khai.

TAIGÜTHUM 1:14

Chang tumat naw m’khih ne douthak ah kha a douthak law ah a kyak ung cun cu mümkha käcung müm bawk ah kyak khai.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

SAM 50:5

Ani naw, “Bekhüt ciah ka chang gui, pek tak m’ghu tha ne thukän ci gui, kei ah law ne ng’bum law bä” cik ci.

TAIGÜTHUM 12:8

Hnumi naw htome cu kä a m’hnüt law hning ah a kyak ung, ani naw mümkha hnih baw, mümbawk hnih baw a law püi vai. Tumat cu m’khih ne douthak nak vai, tumat cu katphyawn douthak nak vai ah kyak khai. Taigü naw ani ah kä theing nak cu k’täm ne nawt heng pek khai, ani cu akcang ah theingthap khai.

TAIGÜTHUM 9:4

Hmuhchum douthak nak vai ah vantang hta la htome hta akhla ami law püi vai. Cun gui cu situi awn k’caw ah htang douthak nak awn a täng ah Bawipa am khawihnah ak vai. Ngami naw cun ah ami bi vai, a i ah kyasei ci ung tuhngawi Bawipa cu ngami ah ma ah ng’dang khai.

TAIGÜTHUM 1:10

Chang naw a me baw, a htome baw a douthak ah a kyak ung, cun cu amca ah kyak khai, kä kheihlik en khai.

TAIGÜTHUM 1:3

Ani naw sei tumat awn m’khih ne a douthak law ung api ah phi kä kheihlik ciah vantang cu a law püi vai. Ani naw Bawipa ah om nak ah Phung valuh nak ung a tha vai. Cun ung Bawipa naw ani cu dou khai.

ATÜNNAK 22:13

Cun kawn ah Abraham cu mang shüi neta, pluup ung aki ng’awk sei om ciah htome cu hmuk ci. A hta ah hnün ung cun cu la neta mei awn m’khih ne khawihnah ci.

ATÜNNAK 15:8

Abram naw, “Uk ciah Bawipa, shin ah khaw ka khäm ah mawng cu a i cha ah ka hmat khai ang?” cine ng’shik ci.

ATÜNNAK 15:10

Abram naw a cun gui cu Khanpughi ah law püi neta, a cawih cawih ciah m’chün ne, vangtäng ciah k’bum ci. Cun ung phi kha gui cu kä m’chün tuk ci.

TAIGÜTHUM 12:6

A hta pami, käcung hnumi ah phäh ah ang ng’gängsei nak ah akhin, a khüm ah a kyak ung, ani naw Bawipa ah om nak ah Phung ah luh nak ung, taigü am m’khih ne douthak vai ah kum ät lawk ciah htome hta la katphyawn douthak nak vai ah mümkha baw, mümbawk baw a thak law vai.

SOLOMON NG’Ä~ 2:12

K’pyaama ah cheipai gui m’guh ci gui. Shin cu ng’äi m’cu nak vai ah akhin ah kyak ci; Lo yung ah müm ah ng’kyuut cu ng’yak nei.