ATÜNNAK 15:5 - Cho Bible Common Language 2016

⁵ Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.

ATÜNNAK 15:5 Referans Kwoze

HEBRU 11:12

Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.

ROMAN 4:18

Abraham cu a khaw m’vui ne a kyak yah ung phi Khanpughi cu yum ne ngaih u ci. Cun ah kya ne ani cu changpakhui avan ah pa ah kya lawk ci. Cacim theing ung, “Nang ah hta ng’shon gui cu aisi k’chü ah püi khai nei,” a ciah mäih ah kyak ci.

THULÄÄN NAK 1:10

Bawipa nami Khanpughi naw khawmik ung aisi chü ah ning da sak gui ci nei.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

JEREMIAH 33:22

Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”

SAM 147:4

Ani naw aisi gui cu khei gui ne, ami ming sui gui phäh phäh ci.

1 SHONTÄP NAK 27:23

David ghangpughang naw akhokum kum’ku ah ka ung chang gui cu kä khei gui ci, a i ah kyasei ci ung Israel chang gui cu khankho ah aisi chü ah da khai gui ah pyang gui khai ah Bawipa naw shaitak a bi pyi ah phäh ah kyak ci.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

ATÜNNAK 16:10

Khankho chang naw pyen bamä ne, “Chang naw kä a khei tai vai ah da khai ah ka ning shon sak khai.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 17:2

Nang am thukhän ka ning pek khai, ka ning pung piah sak khai” cine pyen nak ci.

JOSHUA 24:3

Cun kawn ah kei naw nami pughi Abraham cu Euphratis kaan nak ah khaw ungka la ne, Kanaan khaw avan ung ka gawk sak ci. Kei naw ani am htangshon akda ka pek ci. Issak ka pek ci.

1 GHANGPUGHANG GUI 3:8

Shin ung na chang ah na ghü gui ah chang gui ah ng’lung ah kei ka om ci nei, cun ah chang gui cu da aih u sei kä khei gui hlawt vai kyak ci.

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.

JOB 35:5

Khomik cu teng ä, Khong mei gui a i hlawk ah hlüng u ne ang!

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

ATÜNNAK 32:13

A cun ung mü ät ami ih kawn ah Jakob naw a phäi Esau am a pek vai ah a vuh chah avan ungka,