ATÜNNAK 15:18 - Cho Bible Common Language 2016

¹⁸ Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ATÜNNAK 15:18 Referans Kwoze

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

ISAIAH 27:12

Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

NEHEMIAH 9:8

Ani cu nang ung bekhüt sei na hmuk ci, ani awn nang naw thukhän na bik ci. Nang naw shin ah khaw gui na pek khai ah shaitak na bik ci. Kanaanit khaw, Hittit khaw la Amorit khaw, Perizzit khaw, Jebusit khaw, la Kirkashit khaw, cun gui cu ani ah hta ng’shon gui ah ami om nak vai ah kyak ci. Nang cu na bekhüt ci kya ne na shaitak cu na k’pang ci.

THULÄÄN NAK 11:24

Ak khan ah nami ng’leh nak ah khonglei avan cu nangmi ah kaa ah kyak khai. Nami khopäng cu a htumtäng bungpuk ung yu khüt ne, a siiptäng ah Lebanon Khomhtung gui ung khüt ci. Ak kiangtäng ah Euphratis tuinu ung khüt ne, akhei täng ah Mediteranean tuinu ung khüt ci.

KHEI NAK 34:5

Cun ungka naw Egypt khawgi khaw nawi lam ung ng’hlat ne, Mediteranean tuinu ung khüt ci.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

2 SHONTÄP NAK 9:26

Ani cu Euphratis tuinu ungka naw Philistia la Egypt khaw ung a küikyang pi uktu ah kyak ci.

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

PHYAWN NAK 23:23

Kei ah khanchang cu na ma ung hteit neta, Amorit gui, Hittit gui, Perizzit gui, Kanaanit gui, Hivit gui la Jebusit gui ah khaw ah ning hteh püi khai, ngami cu kei naw ka m’di gui khai nei.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

1 GHANGPUGHANG GUI 4:21

Solomon ah uknak khaw ung Euphratis tuinu ungka naw Philistia la Egypt khawgi ung khüt ciah pakhui khaw avan ah kyak ci. Ngami naw ani am khaw phlam pe u ne, ani a ghin ah chuih a uknak ka ah om ci gui.

SAM 105:11

Ani naw, “Kei naw Kanaan kho cu ka ning pek khai, cun cu na kho ah kyak khai” cik ci.

JOSHUA 15:4

Azmon täng ah hteit ne, Egypt khawgii ah kyak ciah tuihta läk ne, Mediteranean tuinu ung khüt ci, acun ung khawgii khüt ci. Cun cu Judah khaw ah ahtum täng khawgii ah kyak ci.

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

ATÜNNAK 35:12

Kei naw Abraham la Isaak am ka pek ah khaw cu nang am ka ning pek khai nei, cun cu na htangshon am phi ka pek khai nei” cine pyen nak ci.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

1 SHONTÄP NAK 5:9

Kilead Khaw ung ami seime gui da law aih khäta, a kiangtäng khaw ng’gau ung khüt ne, Euphratis Tuinu lam avan cu ngami naw khäm ci gui.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

ATÜNNAK 2:14

Ak thum nak ah tuilawng cu Tikris ming nak ci; Assiria khaw hni law lam ung yu long ci. Ak phli nak ah tuilawng cu Euphratis ah kyak ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

2 SAMUEL 8:3

Syrian khawpäng Zobah ghangpughang, Rehob ah hta Hadadezer cu Euphratis khaw a siip lam tu ne uk khai ah law khäta, David naw tu ne hnim ci.

LAMKTU 7:5

Cun yah ung Khanpughi naw cun ah khaw ung Abraham am khawh a i phi kä pek ci, khomdek dawng veing hta phi kä pek ci. Cun ung phi cun ah khaw cu, amät am phi bäi, a hta nau gui am phi bäi avan ka ning ap khai ciah shai tak ci. Cun yah ung Abraham ung a hta kä om phak ci.

THU PHLAAN 9:14

Cun ah k’aw naw akchuk nak ah khankho chang am, “Euphratis tuinu pei ah khit ne ami k’pawn ah khankaw chang paphli cu k’phyan tu ba gui vä” cine pyen nak ci.

PHYAWN NAK 6:8

Abraham, Isaak la Jakob ni am ka pek gui vai ah, ang müi ah ka shaitak ah khaw ung, nangmi cu ka ning hteh püi gui khai; cun cu nami mät ah khaw ah kyak khai ah ka ning pe gui khai. Kei cu Bawipa nei” cik ci.

PHYAWN NAK 13:11

Bawipa naw Kanaanit gui ah khaw ah ning hteh püi gui khai. Cun cu ani naw nang la na pupa gui ung aktung ah a shai tak ah kyak ci. Cun cu a ning pek law gui ung,

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

THULÄÄN NAK 12:20

“Bawipa nami Khanpughi naw a shaitak ah mäih ah nami khopäng ang shawng sak law ah a kyak ung, nami ng’yak nak hlü ung meh nami ei hning ci.

THULÄÄN NAK 19:8

“Bawipa nami Khanpughi naw bi lawk khai ah nami pupa gui am, am thein gui ah mäih ah nami khopäng ng’shawng sak ne a shaitak ah mäih ah khaw avan a ning pek law gui ung,

2 SHONTÄP NAK 7:8

Solomon la Israel chang gui ami van naw ng’yii nak ah pawi cu khaw hnüüp chih ung bik ci gui. A siiptäng Hamath Hteng ungka naw, a htumtäng Egypt khogii ung khüt sei chang gui law u sei, chang cu da ne ng’peeih ci.

2 SHONTÄP NAK 8:7

Israel gui naw khaw avan ami kaa nak ba sang ung kä ami ngawn gui ah Kanaan chang gui ah ami htangshon gui ami van cu Solomon naw ghüh ne bi sak gui ci. Cun gui cu Hittit gui, Amorit gui, Perizzit gui, Hivit gui la Jebusit gui ah kyak ci, ngami ah htangshon gui cu tuhbäi khüt sei khlei-htein ah kyak ci gui.

EZRA 4:20

Huham ah ciah ghangpughang gui naw ukgui u ne, Euphratis akhei täng khopäng avan ung khüt sei uk u ne, k’plam sok u ne akhon look man ci gui.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

PHYAWN NAK 34:24

Chang pakhui gui cu nami ma ung ka k’täm gui kawn ah nami khaw cu ka ng’shawng sak khai. Pawi thum vei bi nak ah akyong ung a u naw phi nami khaw cu kä ning näng gui khai.

TAIGÜTHUM 26:42

kei naw Jakob ni, Isaak ni, Abraham ni ung thukhän ka bi cu ka shüm ba khai. Khonglei ka pek gui vai ah ka shaitak cu kei naw ka m’thai ba khai.

TAIGÜTHUM 26:45

Ami pupa gui ung thukhän ka bi cu kei naw ka m’thai ba khai, cun cu Egypt khaw ah ka, ka chang gui law püi ba gui ne, pakhui avan am ka huham ka m’dang nak ah kyak ci. Cun ah kyasei, Kei, Bawipa cu ami Khanpughi ah ka kyak ci.

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

1 GHANGPUGHANG GUI 5:1

Tire ghangpughang Hiram cu ang’täi sei David ah teihpüi ah kyak ci. Ani naw Solomon cu apa David ah hnün ung ghangpughang ah kya ne a ngoh ba cu ng’ya neta, ng’khawt nak ng’shä tüi lawk ci.

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.

JEREMIAH 32:22

Nang naw shin ah naming ne anglei nik ciak khaw cu pe gui ne ami pupa gui am shaitak nak na nik ci.