ATÜNNAK 15:16 - Cho Bible Common Language 2016

¹⁶ Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

ATÜNNAK 15:16 Referans Kwoze

1 GHANGPUGHANG GUI 21:26

Ani cu Amorit chang gui ah mäih ah a gup gui khawihnah ne lüng aa nak pikbäih ah katnak cu bik ci. Amorit gui cu Israel chang gui ami khaw ung ami gawk law sangung Bawipa naw aktäm gui ah kyak ci.)

DANIEL 8:23

“Cun uknak khaw gui ang pyi nak vai ang et law ung, ngami cu sheka law aih u ne, m’kyuk nak gah khai gui. Cun kawn ah am lung ling ne, m’gäi m’cik ne, hleei hlak ciah ghangpughang om lawk khai.

1 THESSALONIAN 2:16

Keimi naw hun nak ah mawng changpakhui hei gui-am ng’thu kami m’thein phi tha na ne na ma na gui ci gui. Cun ah ami kyak cu ang täi sei ami cheishoh nak ami kümbe sak nak ah kyak ci. Cun ah kiasei tuhbäi ak hnu ah Khanpughi ah m’lungshe nak cu ngami ah khan ah gawk pyi ci nei.

PHYAWN NAK 12:40

Israel gui cu Egypt khaw ah kum 430 ung om tuk ci gui.

ATÜNNAK 15:13

Bawipa naw, “Na htangshon gui cu chang ah khaw ah omktu ah kya ne om tu u ne, chang ah changshäm ah kya ne, chang ah shedam nak cu khawkum phia phli ung bui awt khai gui nei.

TAIGÜTHUM 18:24

Shin ah bilawh nak gui awn nami mät kä theingthap khai ah kä nami ci vai, cun cu khogam khawihnah ci gui naw ami mät kä theingthap khai ah ami bi nak ah kyak ci. Cun ah khogam khawihnah ci gui cu nangmi kä nami law pha ung cun ah khaw ung om pyi ci gui. Ngami cu Bawipa naw k’täm gui sei nangmi nami lut hlawt ci.

2 GHANGPUGHANG GUI 21:11

“Ghangpughang Manasseh naw shemshai ci gui cu bik ci, cun gui cu Kanaanit gui ah bi ah ta sheka pi ci; Ani naw a gup gui awn Judah chang gui cu katnak ung hteh püi ci.

ATÜNNAK 10:16

Kanaan ah hta ba gui cu Jebusit gui, Amorit gui, Kirakashit gui,

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

PHYAWN NAK 13:3

Moses naw chang gui am, “Nami shüm vai ah hnüüp cu-changshäm ah nami kyak nak ah hmun, Egypt khaw nami hteh tak nak ah hnüüp ah kyak ci. Cun cu Bawipa naw dämduh ciah a huham awn a ning plawk nak gui ah hnüüp ah kyak ci. K’caw shum ah m’htut kä ei nak ah kyak ci.

PHYAWN NAK 13:4

Nangmi naw Egypt khaw nami hteh tak nak cu a cha ät nak Abib cha ah kyak ci.

THULÄÄN NAK 9:4

Bawipa nami Khanpughi naw nangmi ah hmawk ah ak täm gui kawn ah nangmi khinkha uk ci sei, shin ah khaw nami kaa nak khai ah a ning law püi gui ah kä nami pyen en vai, cun ah kä kyak ci. Bawipa naw nangmi ah hmawk ah shin ah chang gui aktäm gui cu, ami shekat ah phäh ah kyak ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

SAM 105:43

Cun ah kya ne, ani naw a ghü ah chang gui cu tho ne hteh püi ba gui sei, Ngami cu yei ne, ng’äi ne m’lau ci gui.