ATÜNNAK 15:15 - Cho Bible Common Language 2016

¹⁵ Nang na mät cu ghi ne na ghing khai, na sih ung phi ding gei sei htüm tha nak na gah khai nei.

ATÜNNAK 15:15 Referans Kwoze

JOB 5:26

Khäm vai ah akhin ung hmin ciah cu ng’htang ah mäih ah nang cu ghi ne na ghing khai.

2 SHONTÄP NAK 34:28

Jerusalem ah khan ah ka law püi vai ah m’kyuk nak cu nang kä na sih pha ung kä gawk lawk khai nei. Kei naw nang cu dinggei nak awn ka ning sih sak khai.” Cun ah chang cu shin ah ng’thu hteh püi ne, ghangpughang Josiah ah om nak ah hteit ba ci.

KHEI NAK 27:13

Cun na hmuh kawn ah nang cu na sik khai, na phäi Aaron ah mäih ah,

DANIEL 12:13

“Nang Daniela, khaw akhüt güt ung na bekhüt vai. Cun kawn ah nang cu na sik khai, cun ung phi akhin ang pyi law ung, na ng’chuh na gah khai ah nang cu na tho ba khai nei.”

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

JOB 42:17

Cun kawn ah ani cu ang htei ah ghi law neta sik ci.

1 SHONTÄP NAK 29:28

Ani cu anghtei ah ghi ne, bühmang ne, chang naw chang m’sui sei sik ci, a hta Solomon cu ghangpughang ah ngo ba ci.

SUKI GUI 2:10

Acun ah ng’shon ung ka chang gui cu si yawp u sei, acun tawi lawk ciah ng’shon gui naw Bawipa la Israel gui ah hmawk ah ani naw abi gui cu m’hnih ci gui.

ATÜNNAK 49:29

Jakob naw a hta gui thumkhän gui ne, “Tuhbäi ka chang gui ah sih nak khaw ah ka hteit lawk khai, Hittite chang Ephron ah lo kapa ah phuh hmun ung nami na m’ciim vai nei.

KHEI NAK 20:24

“Israel chang gui am ka pek vai ah ka shaitak nak khaw ung Aaron cu kä lut tuk khai; ani cu si lawk khai, a i ah kyasei ci ung nangni naw Meribah ung ka thumkhän cu nani na hnu ng’tuk püi ci.

ATÜNNAK 35:29

a ghi sih ah sik ci, a hta goi Esau la Jakob naw htüm ci goi.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

THUSHÄUTU 6:3

Chang tumat cu phia ah hta ne, ak sho a ghin ung phi, a i güt a ghin ung phi, ani ung yeikyai nak kä om ne, akni ah htüm kaw nak phi kä a om ah a kyak ung, hta nak vai am sik ciah hta-yüt ah ta ka tuba ci nei.

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

1 SHONTÄP NAK 23:1

David cu anghtei ah ghi law neta, ani naw a htapa Solomon cu Israel ghangpughang ah hmoh ci.

ATÜNNAK 50:13

A gook cu Kanaan khaw ah kawt ba u ne, Abraham naw Hittit chang Ephron ah ng’cim hmun vai ah a thon ba ah Mamre lai ah a kiangtäng Makpelah phuh hmun ung phuh ci gui.

ATÜNNAK 49:31

Cun cu Abraham la akchu Sarah ni, Isaak la a chu Rebekka ni, kei naw Leah ni ka m’cim nak ah kyak ci nei.

ATÜNNAK 23:19

Cun ah kyasei Abraham naw ak chu Sarah cu Kanaan khaw, acun ah ng’cim hmun ung k’phuh ci.

ATÜNNAK 23:4

“Kei cu khin ah kya ne nami ng’lung ah ka om tuk ci; ka chu ka k’phuh nak vai khaw hmun na pe tu vä” cine pyen ci.

ATÜNNAK 47:30

Kapa gui ah ng’cim nak ung ka ng’cim hlük ci, Egypt khaw ungka na hteh püi ba ne, ngami ah ng’cim nak ung na na m’cim vai nei” cik ci. Joseph naw, “Na pyen ah ka bik khai nei” cik ci.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

SAM 49:19

Ani cu a pupa gui awn sih nak ung ng’hmuk khai gui, cun cu angtäi a hmüp nak ah kyak ci.

JOB 41:32

Ani naw deikhang ciah lam cu hnu na ne tuinu cu a bawk ah m’bawm sak ci.