ATÜNNAK 15:14 - Cho Bible Common Language 2016

¹⁴ Cun ung phi ngami shäm gui ciah pakhui cu kei naw ka m’kyuk khai nei. Ngami cu cun ah khaw nawng shüt ne ami law ba hnüüp ung khawh angpeeih law püi khai gui nei.

ATÜNNAK 15:14 Referans Kwoze

1 SAMUEL 12:8

Jakob la akyong ung ka gui Egypt khaw ah ami hteh yah ung, Egypt chang gui naw yawshe na gui ci gui, nami pupa gui naw Bawipa naw am htei gui vai ah k’thäh ci gui, ani naw Moses la Aaron cu tüi goi ci, ngami naw Egypt ung ka law püi ba gui ne, shui ah khaw ung om sak gui ci.

SAM 135:14

Bawipa naw a chang gui cu shungshet gui ne; changshäm gui cu k’dük gui khai.

JOSHUA 24:17

Bawipa kami Khanpughi naw keimi la kami pa gui cu, Egypt khaw ah khleihtein ungka, na k’plawk ba gui ci nei, ani naw am dang ah cäi aih vai gui cu kami hmuk ci nei. Keimi naw kami kaan law ah chang pakhui gui avan ah ng’lung ah kami hteh nak päng ung ani naw k’pang ne na k’phyawn gui ci nei.

THULÄÄN NAK 6:22

Ani naw cäi aih gui vai abi, Egypt chang gui, ami ghangpughang la ami bawi gui, avan ah khan ah kyih vai gui abi cu keimi kami mät naw kami mik awn kami hmuk ci nei.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

SAM 135:9

A cun ah kho ah ghangpughang la abawi gui m’kyuk nak vai ah cäi aih vai la cäicat gui vai cu ani naw m’dang ci.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

PHYAWN NAK 3:10

Tuhbäi nang cu Egypt ghangpughang ah ka ning tüi ci. Cun ah kyasei nang naw, ka chang gui cu ani ah khaw ungka na khah püi ba gui khai” cik ci.

SAM 105:42

Ani naw a changshäm Abraham am ng’ciim ciah a shaitak cu shüm ba ci.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

PHYAWN NAK 12:29

Khaw cawih ding ah Bawipa naw Egypt khaw ah ami htahtük gui avan cu ngawn gui ci. Mang im ung ghangpughang ah hta ung tün ne, thawng im ung thawng kyum ah hta ung khüt ci la seime gui ah ami htahtük gui phi ngawn gui yawp ci.

LAMKTU 7:7

Ngami khlei-htein nah gui ciah chang gui cu, kei naw kam khoichaa gui khai. Cun kawn nah nang ah hta nau gui cu cun nah khaw ung ka phyawng u neh, shin ah khaw ung kei cu nak taigü khai gui” ci neh pyen na gui ci.