ATÜNNAK 15:1 - Cho Bible Common Language 2016

¹ Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

ATÜNNAK 15:1 Referans Kwoze

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 119:114

Nang cu ka ng’yii nak la ka shung nak ah na kyak ci; na shaitak ung ka ngaih u om ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

NG’ÄI KYAH 3:24

Bawipa cu kei ung om ci avan ah kyak ci, Cun ah kyasei ani ung ka ngaih u nak ka tha ci.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

SAM 5:12

Bawipa, ning ngai cicu hrilham na pek ci. Ngami cu na m’hni nak naw shawi ah mäih ah shung vong gui ci.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

LUKA 1:13

Cun ung phi khankho chang naw, “Zechariah aw, kä na kyih vai nei, Khanpughi naw na k’taigü cu ng’yak ci, na k’chu Eliyabeth cu pamihta ah hta lawk khai, ang ming cu Johan ah na sui vai.

ISAIAH 43:5

Kä nami kyih vai nei, ka ning om püi gui ci nei! “A shou pikbäih akiang täng lah ak hla pikbäih akhei täng ung ka, nami chang gui cu nami khaw ah ka law püi ba gui khai nei.

SAM 142:5

Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

ATÜNNAK 21:17

Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.

LUKA 1:30

Khankho chang naw, “Mari awi, kä kyikyawk ä, Khanpughi naw ning m’hlüngtai pyi ci nei.

SAM 58:11

Chang gui naw, “Düng ci gui naw m’cümhnah akcang gah ci gui; m’dek khan m’khoi m’chak ciah Khanpughi cu akcang ah om ci nei” cik khai gui.

MATTHE 8:26

Bawipa Jesuh naw, “A i ah kyasei nami kyih aih ang? Nami yum nak ken aih ci nei,” cine kyak na gui netah, khokhi tui ng’hnawk cu k’de ne ng’düm sak sei, acun vai-am khokhi cu ng’düm yawp ci.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

SAM 91:4

Ani naw ang phiaa awn ning küm gui sei, ani ah m’htei nak ung, nangmi cu nami phyawng khai; Ani ah bekhüt nak naw ning shung ne ning vong gui khai.

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

EZEKIEL 3:4

Cun kawn ah khanpughi naw pyen ci, “Hnicim Chang, Israel Chang gui ah om nak ah hteit ne, kei naw na pyen vai ah ka ning m’thein gui phung cu pyen na gui ä.

ISAIAH 44:2

Kei cu ning tüisho gui ciah Bawipa nei; Nangmi nami ng’tüi law yah ung kei naw ka ning m’htei htang gui ci. Kä nami kyih vai, nangmi cu ka changshäm, ka ghü ah chang, ka m’hni ah chang ah nami kyak ci.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ISAIAH 35:4

Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

HEBRU 1:1

Caä Phanpughi naw, akda vei, a mawng a hei hei awn, profet gui ung, mi pupa gui am thu m’shäk law man ci.

1 KORIN 3:22

Apollos, la Peter ni, shin ah khomdek khan ni, sih nak la ghin nak ni, tuhbäi kaa la ngawi ah kaa vai ni, avan nangmi naw nami khäm ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

NG'THU K'THUUK~ 30:5

Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

SAM 84:9

O Khanpughi, na ghü ah ghangpughang, kami ghangpughang cu hriham pe ä.

1 SAMUEL 9:9

Saul naw, “Nik khai nei! Ni hteit khai” cik ci. Cun kawn ah ngani cu theingcim ciah chang ah om nak ah hteit ci goi. Ngani cu gawnu lam khaw gui ung ani hang kai vü yah ung, tui than khai lawk ci gui ah hnumi hta gui cu hmuk ci goi. Ani naw hnumi hta gui ng’shi ni ne, “Gawnu ah mikhmuk ci om ne ang?” cik ci goi. (Cun yah ung prophet am mikhmuk ciah pyen ci gui, Khanpughi ng’shi hlük ciah chang phung naw, “Mikhmuk ciah mi hteit khai,” ci man ci.)

EZEKIEL 11:24

Muimang ung khanpughi ah mumcha naw na chang ne omktu gui ah om nak Babilonia ah na hteh püi ba ci. Cun kawn ah muimang cu ng’kawn lawk ci,

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

EZEKIEL 1:1

Akum thumkip nak a cha phli nak ah a hnüüp hma hnüüp ung, kei, taigü Ezekiela, Buzi ah hta cu, Jew chang omtu gui awm atäng ah Babilonia khaw, Chebma Tuinu pei ah ka om ci. Khankhomik ng’hmawng khäta muimang ung khanpughi cu ka hmuk ci.

MATTHE 28:5

Khankho chang naw hnumi gui-am, “Kä kyikyawk vä, kutlamtung ung tai ne, ami ngawn ah Jesuh cu nami shui ciah ka ning hmat gui ci nei.

ISAIAH 44:8

Ka chang gui, kä kyi en vä! Nangmi naw nami hmat ci, cau pui tüi ne tuhbäi ung khüt khai ah, kya lawk khai ah amawng avan cu kei naw ka pyen ci, nang mi cu ka saksi ah nami kyak ci. Kei ah kawn ah khanpughi a hei om ba ne ang? Kei naw kä ka ng’yak man ah huham mah ciah khanpughi om ne ang?”

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

ATÜNNAK 15:2

Abram naw, “Uk ciah Bawipa, a i m’cümhnah ang, kei am na na pek kaw, kei cu ka hta kä om sei, Damaskas ah kaa Eliezer naw ka pakhui m’düng ci nei.

ATÜNNAK 15:4

Cun kawn ah Bawipa ah ng’thu angyak bamä cu, “Shin ah changshäm naw pakhui kä m’düng khai, na mät ah na hta naw na pakhui m’düng khai nei” ci neta,

ATÜNNAK 31:7

Ani naw kei cu na thei leh na ne, ka gah vai ah ng’cheng cu gha vei na m’thawng pek ci nei. Cun ung phi ani naw kä a na m’di vai ah Khanpughi naw bik ci nei.

KHEI NAK 18:20

Bawipa naw Aaron cu pyen nak ci, “M’düng vai ah khawhcham api phi kä na gah tuk khai. Israel khaw ng’lei api phi nang ah phäh ah kä om khai. Kei, Bawipa cu na ng’yak hlü avan ah ka kyak ci.”

KHEI NAK 24:4

Khanpughi ah ng’thu pyen ng’ya hning ciah chang ah kyak ciah mik awn yeikyai nak ka hmuk ci. A hlüngtai säih Khanpughi ungka muimang ah kyak ci.

1 SAMUEL 15:10

Bawipa naw Samuela am

2 SAMUEL 22:3

Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

ATÜNNAK 22:1

Cun kawn ah Khanpughi naw Abraham cu am nüm vai ah, “Abraham” cine khü ci. Abraham naw, “Abraham naw, “äi, ka om ci nei” cik ci.

ATÜNNAK 22:20

Cun kawn ah Abraham ah a phäi Nahor la akchu Milakah cu cheit ah hta ci goi ciah Abraham naw ang’yak cu:

THULÄÄN NAK 18:2

A hei pakhui gui ah mäih ah ngami cu a i khaw phi kä kaa na tuk ci gui, ngami ah chaw cu Bawipa ah shaitak ah mäih ah Bawipa ah taigü ah kyak nak ah kyak ci.

2 GHANGPUGHANG GUI 1:15

Bawipa ah khanchang naw Elijah cu pyen nak ci, “Ani awn a täng ah hteit tu ä, kä na kyih vai nei.” Cun ah kyasei Elijah cu Bawi awn a täng ah hteit tu neta, ghangpughang

SAM 3:4

Kei naw Bawipa cu ana m’htei vai ah ka khü ci, Ani naw a khomhtung theing ung om ne na m’shang ci.

SAM 115:10

Khanpughi ah taigü gui, Bawipa ung ng’ap vä. Ani naw ning m’htei gui ne ningshung gui ci nei.

ISAIAH 40:10

Uktu Bawipa cu a huham awn uk khai ah lawk ci nei. Ani naw a gun ah chang gui law püi gui ci nei.

JEREMIAH 39:17

Cun ung phi kei, Bawipa naw ka ning shung vong gui khai, nang mi cu, nangmi naw nami kyih gui ah chang gui am kä ningap gui khai gui.