ATÜNNAK 14:7 - Cho Bible Common Language 2016

⁷ Cun kawn ah ng’hlat law ba u ne, Kadesh (Enmishphat ah phi ami pyen) ung gawk law ba u neta, Amalek chang gui ah khaw la Hazazon Tamar ung om ci gui ah Amorit chang gui cu tu ne khäm gui ci gui.

ATÜNNAK 14:7 Referans Kwoze

2 SHONTÄP NAK 20:2

Ng’thu ng’shäu ciah chang gui law u ne, ghangpughang Jehoshaphat am, ami m’thein law cu, “Edom gui ah gakap akdämnu cu nang ning tuk khai gui ah tuisi tuinu ah vangtäng ah ka lawk ci gui nei. Ngami naw Hazazon Tamar cu khäm pyi ci gui nei.” (Cun ah aming hei cu Engedi ah kyak ci.)

ATÜNNAK 20:1

Abraham cu Mamre ungka naw Kanaan khaw a htumtäng Kadesh la Shurah ah ng’lak ung hteit ne om ci. Ani cu Kera gawnu ah a om tu yah ung,

ATÜNNAK 16:14

Cun ah kyasei Kadesh la Bered ah ng’lak ah om ciah tui shawk cu, “Ghing ne kei na hmuk ciah tui shawk” ciah sui ci gui.

JOSHUA 15:62

Nibshan, M’shi tui mag gaw la Enkedi mang gaw chuk lawk ci, ami pei yung ah gawnu gui mah ah kyak ci.

THULÄÄN NAK 1:46

Cun kawn ah keimi cu Kadesh ung akshou kami om kawn ah,

THULÄÄN NAK 1:19

Bawipa mi Khanpughi naw an thumkhän gui cu mikmi naw mi bik ci. Mikmi naw Sinai M’htung hteh ta ne, dämduh ne kyih vai kyak ciah bungpuk kan ne Amorit khaw gui lam ung mi hteit ci. Mikmi Kadesh Barnea ung mi gawk law sang ung,

KHEI NAK 24:20

Cun kawn ah Balaam naw ang muimang ung Amalekit gui cu hmu gui neta, shin ah ng’cängbang ci: Amalek cu pakhui avan ung hlüngtai pikbäih ci, cun ung phi ak hnu ah angtäi sei m’di nak gah khai.

KHEI NAK 20:1

Ak htük bäih cha ung Israel chang bum ami van cu Zin khawbung ah law ne Kadesh ung shaum co ci gui. A cu ah Miriam si sei m’cim ci gui.

KHEI NAK 14:45

A cu ah om ciah Amalek gui la Kanaan chang gui naw ngami cu tu gui u ne, hnim gui ci gui. Hormah gawnu ah khüt ne khäm law gui ci gui.

KHEI NAK 14:43

Amalek gui la Kanaan chang gui awn nami ng’hmuh law ung nangmi cu ng’tuk nak ung nami sik khai. Bawipa naw kä ning om püi gui khai. A i ah kyasei ci ung nangmi naw ani läk vai ah nami mak ci.”

KHEI NAK 13:26

Moses, Aaron la Israel chang gui ami van cu Paran bung Kadesh ung ana om ci gui. Ngami naw ami hmuh gui cu pyen law ba u ne, ami law püi ah sing theih cu m’hnuh tu gui ci gui.

ATÜNNAK 36:16

Korah, Katam la Amalek. Shin gui cu Esau ah chu Adah ah htangshon gui ah kyak ci.

ATÜNNAK 36:12

(Timna cu Esau ah hta Eliphaza naw ak chu nak tuba ah kyak ci. Ani cu Amalek ah hta ah kyak ci.) Shin gui cu Esau ah chu Adah ah hta gui ah kyak ci.

EZEKIEL 47:10

Enkedi tui hta pawk ungka naw Eneklaim tuihta pawk ung khüt ciah lam pum, tuinukem avan ung nga k’pha gui cu om khai gui, ami ng’vai ahu vai ah k’phiat ne phou khai gui. Acun ung Mediteranean tuinu ung om ciah mäih ah nga a hlü hlü cu om khai.

EZEKIEL 48:28

Kad pakhui am pek ah khobung ah a htumtäng ah khogii cu, a htum-khei täng Tamar ungka naw Kadesh tui cüih, asiip-khei täng ah Egypt khogii ung hteit gäk gäk ne, Mediteranean tuinu ung khüt ci.