ATÜNNAK 14:5 - Cho Bible Common Language 2016

⁵ A kum gha lei phli nak ung Chedorlaomer cu amät lam ah a chang gui la gakap gui awn law u ne, Ashteroth Karnaim ah kaa Rephaim gui, Ham ah kaa Zuzim gui, Kariathaim hmun ah kaa gui, Emim, la

ATÜNNAK 14:5 Referans Kwoze

THULÄÄN NAK 3:11

(Ghangpughang Og cu Rephain ung ak hnu bäih ah kyak ci. Ani ah ih phak nak cu lung awn ami pyan, ayun dawng 9, akdang dawng 4, akcang ah ami nüt nak ung lawk ci. Cun cu Ammonit mang gaw Rabbah ung tuh güt om ci.)

THULÄÄN NAK 1:4

Cun cu Bawipa naw shin ah ghangpughang gui a hniim gui awn ah kyak ci. Amorit ghangpughang Sihon, ani naw Heshbon gawnu uk te ci. Bashan ghangpughang Og, ani naw Ashtaroth la Edrei uk te ci.

ATÜNNAK 15:20

Hitit gui, Perizzit gui, la Rephaim gui,

THULÄÄN NAK 3:22

Kä nami kyih en gui vai, Bawipa nami Khanpughi naw nangmi ah phäh ah ng’tuk bik khai.

JEREMIAH 48:23

Kiriathaim, Bethgamula, Bethmeon,

JEREMIAH 48:1

Shin cu Moab ah mawng m’gäi ciah Bawipa naw a pyen ah kyak ci: “Nebo chang gui cu m’gein gui vä — Ngami ah gaw nu cu di pyi ci nei! Kiriathaim cu tu ne khäm ci gui, m’gäi ciah amang pang cu gäi ci gui, achang gui cu lü ng’aa ci gui nei;

ISAIAH 17:5

Israel cu pümhta tu ne khäm nak pyi ah lo ah mäih ah kyak khai, geit khäm züm kawn ah shit ciah Rephaim khaw ng’nawi ung lo ah mäih ah kyak khai.

SAM 106:22

A cau ah abi gui cu cäicat vai ah kyak ci nei! Tuisen tuinu ah abi gui cu ngaih khit vai ah kyak ci nei!

SAM 105:27

Ngami naw Khanpughi ah m’gäi ne abi cu bi ni ne, Egypt kho ah cäi aih vai gui m’dang ci goi.

SAM 105:23

Cun kawn ah Jakob cu Egypt ah hteit ne, acun ah kho ah om tuk ci.

SAM 78:51

Egypt chang gui ah akyong päng ung ami hta htük gui avan cu ngawn gui ci.

1 SHONTÄP NAK 14:9

Philistin gui cu Rephaim khongnawi ung gawk law u neta, tün ne guttep gui ci gui.

1 SHONTÄP NAK 11:15

Hnüüp ät ung Philistin changbum gui Rephaim Khawgnawi ung phung tu ne ami om sangung, ma tawn ciah gakap thumkip ungka chang sing thum cu Adullam Lungkhui pei ah David ah om nak lung song ung lawk ci gui.

1 SHONTÄP NAK 4:40

Ngami naw ding gei ciah kho ng’än ung anglei nik ciah khulim khaw cu akda hmuk ci gui. A cun ung a cau om man ci gui cu Hammmit gui ah kyak ci.

2 SAMUEL 23:13

Htang m’guh tün ne bi vai ah khin ng’et law khäta, gabawi thum kip ungka thum gui cu, David ah om nak, Adullam lung khui ah hteit ci gui, cun yah ung Philistin mak ät cu Rephaim khaw nawi ung ng’shui ci gui.

2 SAMUEL 5:22

Cun kawn ah Philistin gui cu Rephaim khaw nawi ah hteit ba u ne, khäm ba mä ci gui.

2 SAMUEL 5:18

Philistin gui cu Rephaim khaw nawi ung gawk law u neta, a cun cu khäm ci gui.

JOSHUA 13:31

Acun ung Kilead khaw ateih, Bashan khaw, Ok ah uknak ung mang gawnu ah kyak ciah Ashtaroth la Edrei gui k’um ci. Shin gui avan cu Manaseeh ah hta Machir ah ng’shon kyong chang a teih am pek ah kyak ci.

JOSHUA 13:19

Kiriathaim, Sibmah, Zereth shahar khaw nawi m’htung ung om ci.

JOSHUA 13:12

Rephaim ung akhnu ah kyak ciah Ok ah uknak phi k’um ci, ani naw Ashtaroth la Edrei ung om ne uk ci. Moses naw shin ah chang gui cu hnim gui ne k’täm gui ci.

JOSHUA 12:4

Ngami naw Bashan ghangpughang Ok phi hnim ci gui. Ani cu Rephaim chang ungka ak hnu bäih ah kyak ci. Ani naw Ashtaroth la Edrei cu uk te ci.

THULÄÄN NAK 3:20

Nami Israel chang paw gui cu nami m’htei gui vai. Bawipa naw a pek gui ah Jordan tuinu ah akhei täng khaw kä ami khäm pha ah chuih shiah nangmi ah phäh ah ami bi pyi ah mäih ah Bawipa naw a cu ah dimdeeih nak awn kä ah om püi gui pha ah chuih nami bawm gui vai. Cun kawn ah kei naw ka ning ap gui ah shin ah khaw ung nangmi nami law ba hning ci.

ATÜNNAK 14:4

Ngami cu khawkum gha lei goi ung Chedorlaomer ah kaa ah om u neta, a kum gha lei thum ung ng’tuk püi ci gui.

KHEI NAK 32:37

Reuben pakhui naw ami cawh ba ah gawnu gui cu: Heshbon, Elealeh, Kiriathaim,

THULÄÄN NAK 3:13

Manasseh pakhui ateih am pawih ba ciah Kilead khaw, ghangpughang Og ah uknak Bashan khaw avan, cu ka ap gui ci. Cun cu Arkob khaw avan ah kyak ci. (Bashan cu Rephaim khaw ah mingthang ci.)

JOSHUA 9:10

Jordan ah a kyangtäng ung ghangpughang hnih goi ah a khan ung abi phi kami ng’yak ci. Heshbon ghangpughang Sihon la Bashan ghangpughang Ok, Ashtaroth ungka gui ah kyak ci.