ATÜNNAK 14:3 - Cho Bible Common Language 2016

³ Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci.

ATÜNNAK 14:3 Referans Kwoze

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

THULÄÄN NAK 3:17

Akhei täng ah ngami ah khopäng cu Jordan tuinu ah khüt ci. Asiip täng ah Kalile Tuili, A htum täng ah Tuisi Tuinu ung khüt ne, a kiangtäng ah Piskah M’htung nawi ung khüt ci.

KHEI NAK 34:12

A Htumtäng ah Jordan Tuinu ungka naw Tuisi Tuinu ung khüt ci. “Shin cu nami khaw ah a khawgi phli ah kyak ci.”

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

ATÜNNAK 14:4

Ngami cu khawkum gha lei goi ung Chedorlaomer ah kaa ah om u neta, a kum gha lei thum ung ng’tuk püi ci gui.

ATÜNNAK 14:8

Sodom, Komorrah, Admah, Zeboiim, la Bela ghangpughang gui cu ami gakap gui law püi u ne, Siddim khaw ng’nawi ung ng’tuk bik ci gui.

ATÜNNAK 14:10

Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui.