ATÜNNAK 14:20 - Cho Bible Common Language 2016

²⁰ Nami ga gui ah khan ah näng nak ning pek ciah A hlüngtai Pibäih Khanpughi cu m’hlümtai ä! Abram naw taigüpa Melchizedek am, ng’tuk nak ung a gah ah khawh avan ah bum gha bum ät cu khawihnah ne pek ci.

ATÜNNAK 14:20 Referans Kwoze

ATÜNNAK 28:22

Shin ah shüm ba vai ah lung, kei naw ka ng’lin cu, nang ning khawihnah nak ah hmun ah kyak khai nei. Kei naw phi na na pek gui phung ungka bum gha bum ät cu ka ning pek khai.”

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

LUKA 18:12

Kho hnüüp chih ung hnüüp goi ci, ei hlawi ne ka taigü ci, ka gah phung ah bum ghaa bum ät phi Khanpughi-am ka pek ci,” cine taigü ci.

ATÜNNAK 24:27

“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

MALAKHI 3:8

Kei naw ka ning shi gui cu, Khanpughi ah khawh, chang naw a guh tep cu hman khai aw? Cun ung phi nangmi naw nami na gut tep ci nei. “A i hawkcha ah kami ning guh ang? nami ci ung, bum gha bum ät la pek tak gui cu nami na gut ci nei.

AMOS 4:4

Uktu BAWIPA naw, “Israel chang gui, Bethela khaw theingciim ciah hmun ah hteit ne, shetkat nak bi vä! Kikal ah hteit ne shetkat nak bi pi k’hteh vä! Ma ne hteit ne khawihnah nak vai ah seime cu a ngawi tä sei law püi vä, a hnüüp thum päng ung nami bum gha bum ät cu law püi vä.

SAM 144:1

Ka ng’yii nak Bawipa, ka m’tam ci nei! Ani naw ng’tuk bi vai phi na m’thei ne ga tuk vai phi na pawng püi ci.

SAM 68:19

A hnüüp tä mi phuih na phuih pe gui ciah Bawipa cu m’taam vä; Ani cu na hun gui ciah Khanpughi nei.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

NEHEMIAH 13:12

Cun kawn ah Israel chang gui ami van naw tün ba ne, pümhta, sapyit tui la oliv-situi gui ah bum gha bum ät cu Taigüim khei ah law püi ba ci gui.

NEHEMIAH 10:37

Akum tä sei khäm law htük ah pümhta awn pyan ah m’htut, douthak vai ah sapyitui, oliv situi la aktheih akhtük cu Taigüim ah taigü gui am kami thak khai. Kami lo-pigaw gui ah bum gha bum ät look ciah Levit gui am, kami khaw ung m’thawk ciah geit ah bumgha bum ät cu kami thak gui khai.

2 SHONTÄP NAK 31:12

M’cümhnah gui la bum gha bum ät avan cu acun ung ng’geing khai ah tha ci gui. Ngami naw cun ngäng khai ah Levit Konaniah cu angvaipi ah tha u ne, a nau Shimei cu ani tawi khai ah tha ci gui.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

THULÄÄN NAK 14:28

Khokum thum ang pyi päng ung nami geit avan ah bum gha bum ät cu law püi u ne, nami gawnu gui ung nami khäm vai.

THULÄÄN NAK 14:23

Cun kawn ah Bawipa nami Khanpughi naw khawihnah nak vai ah a ghü ah hmun tumat ung nami hteh püi vai. Acu ah ani ah om nak ung htang ni, sapyit ni, oliv-situi ni, gui la nami sei la htome gui ah hta htük gui ah bum gha bum ät cu nami ei vai. Acun ah nami bi ung angtäi sei Bawipa nami Khanpughi nami m’taam vai ah mawng cu nami ng’thei nak khai.

THULÄÄN NAK 12:17

Bawipa am nami douthak phung cu nami om nak ah hmun gui ung kä nami ei vai. Nami htang bum gha bum ät, nami sapyit, oliv situi, nami sei me a hta htük gui, Bawipa ung nami shaitak ah m’cümhnah nak, nami päiye douthak la a hei douthak gui,

KHEI NAK 28:26

Geitkhäm Pawi ah a hnüüp ät hnüüp, geit thai Bawipa am nami douthak law ah a kyak ung, nangmi cu khawihnah vai ah nami bum vai, a i bi phi kä nami bi vai.

ATÜNNAK 9:26

Shem ah Khanpughi Bawipa cu yei na vä, Kanaan cu Shem ah changshäm ah kyak khai nei.

ATÜNNAK 14:21

Sodom ghangpughang naw Abram am, “Khawh cu avan na lak vai, chang gui cu avan na na pek ba vai nei” cine pyen ci.

PHYAWN NAK 18:10

“Ghangpughang la Egypt chang gui ah kut ung ning hun gui ciah Bawipa cu m’taam vä.

ATÜNNAK 47:24

Nami khäm law ung bum hma ung bum ät cu ghangpughang am nami pek vai nei. Ak pawih ba cu amshi vai la nami hmawk la nami kyong ung nami ei vai ah kyak khai nei.

ATÜNNAK 47:26

Cun ah kyasei Egypt khaw ung Joseph naw thukhän a pyan cu, geit ami khäm ah bum hma bum ät cu ghangpughang ah kaa vai nei” ciah kyak ci. Cun ah thukhän cu tuh güt ghing ci. Taigüpa gui ah khaw bäng cu ghangpughang naw kä khäm tuk ci.

2 SAMUEL 18:28

Ahimaaz naw khü ne, ghangpughang cu yavaih neta, ama ah m’dek ung m’khukdong ne, apyen cu, “Bawipa na Khanpughi cu m’taam nei, nang bawi mang, ning hnu ng’tuk ne, ning tuk püi ci gui ah khan ah ani naw näng nak ning pek ci nei!” cik ci.