ATÜNNAK 14:19 - Cho Bible Common Language 2016

¹⁹ Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

ATÜNNAK 14:19 Referans Kwoze

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

SAM 24:1

Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

RUT 3:10

Ani naw, “Bawipa naw hriham ning pe sä, nang naw tuhbäi ung bä ciah kyong khui mah nak cu, na cei ah nu ah khan ah na bi ah ta, bä pi khai ah na m’dang ci nei. Nang naw ak pyam amg mang hmaw chang akda om sei phi, a u kä na cei nak ci.

LAMKTU 16:17

Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

LUKA 10:21

Cun yah ung Bawipa Jesuh cu Mumcha Theing awn yeikyai nak gah netah, “Khankho la khomdek ah Pa Khanpughi, hmuhmat tatlah ci gui ah ma ah, nam yih cu kä hmuhmat ci gui ah ma ah ng’dang sei ka ning m’hlüngtai ci. Aw Kapacun cu na mät ah ng’yak hlü ah kyak ci.

MIKHAH 6:6

Khankho Khanpughi khawihnah vai ah lam ung a i nimä ka law püi kaw? Akbä pi seipat hta cu mei ung m’khih ne ap vai ah ka law püi vai aw?

SAM 115:16

Khankho cu Bawipa amät bäng naw khäm ci, khomdek cu mikmi hnicim chang am na pe gui ci.

2 SAMUEL 2:5

Chang gui cu m’cäi ne tüi gui ci: “Nami bekhüt nak m’dang ne, nami ghangpughang nami htüm cu, Bawipa naw hriham ning pe gui sä.

ATÜNNAK 49:28

Shin gui cu Israel pakhui gha lei goi ah kyak ci. Shin cu ami pa naw a hta gui tumat ci ung ng’müi khai ah ng’thu pyen ne am cäi nak gui ah kyak ci.

ATÜNNAK 47:10

Jakob naw ghangpughang cu hrilham pe shüt neta hteit ba ci.

ATÜNNAK 47:7

Joseph naw apa Jakob cu ghangpughang ah hteh püi ne ap khäta, Jakob naw ghangpughang cu hrilham pek ci.

ATÜNNAK 27:4

ka m’hni man ah akni ah shong ne na thak law ä. Cun ka ei kawn ah kä ka sih pha ung akbä pi ah hriham cu nang am ka ning pek khai nei” cik ci.

MAKUH 10:16

Cun kawn ah Bawipa Jesuh naw ak hmaw hta gui cu chang ne k’pawm gui netah, ami khan ah a kut taih ne m’shumphyuk nak pe gui ci.

SAM 50:10

Bung ah om ciah khisa phiu kaa gui, a van la khomhtung akda ung lum ciah sei ma gui cu kei ah ka nei.

ATÜNNAK 24:3

Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai.

1 SAMUEL 15:13

Samuela cu Saul ah gawk khäta, Saul naw, yavaih na neta, “Bawipa naw hriham ning pe sä, Samuela! Kei naw Bawipa ah thumkhän cu ka läk ci nei” cik ci.

THULÄÄN NAK 10:14

Bawipa naw a hlüng pi khan khaw phi khäm ci, khomdek phi ani ah kaa ah kyak ci. Cun ung om ci a päng avan ani ah kaa ah kyak ci.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

2 SHONTÄP NAK 31:8

Ghangpughang Hezekiah la a bawi gui naw cun ah ami law püi cu hmu u neta Bawipa cu m’hlümtai cu ne, a chang Israel gui phi m’hlümtai ci gui.

SAM 115:15

Khankho la khomdek tüisho ciah Bawipa naw, nang cu hriham ning pe sä!