ATÜNNAK 14:18 - Cho Bible Common Language 2016

¹⁸ A hlüng pisäih ah Khanpughi ah taigüpa Salem ghangpughang Melchizedek naw m’htut la sapyit tui cu Abram ah law püi ci.

ATÜNNAK 14:18 Referans Kwoze

HEBRU 6:20

Taigü tung Melchizedek ah hnün ung ngoh ne, angtäi ah Taigü tung ah kyak ciah Bawipa Jesuh cu, mikmi ah hmawk ah cun ah mang im ah lut pyi ci nei.

SAM 110:4

Bawipa naw ang müi ah shai tak ci, cun cu kä m’hnawn ba khai: “Nang cu Melchizedek ah taigü ng’län ung angtäi sei taigü ah na kyak khai.”

HEBRU 5:6

Cun kawn ah mä a hei ung, “Nang cu Melchizedek ah hnün ung ngoh ciah Ang täi ah Taigü ah na kyak khai,” cine pyein ba ci.

HEBRU 5:10

Khanpughi naw Bawipa cu Melchizedek ah hnün ung ngok ciah Taigü tung ah ming sak ci.

SAM 76:2

Ani ah mang im cu Jerusalem ah om ci; ani cu Zion m’htung ah om ci.

LAMKTU 16:17

Cun ah hnumi hta naw Paul la keimi cu kami hnu ah na läk law gui netah, “Shin ah chang gui cu Hlüngtai pi bäih ciah Khanpughi ah chang gui nei! Ngami cu nangmi am hun nak ah mawng ning m’thein gui ciah kya ci gui nei” cine m’lau ci.

SAM 57:2

Ak hlüngtai pi bäih, Khanpughi ah ka ng’khü ci, ka ng’yak hlü päng, na k’be ciah Khanpughi ah.

SAM 7:17

A ng’düng ah hmawk ah Bawipa cu ka m’hlüngtai ci, A hlüngtai säih Bawipa cu ng’ä awn ka m’taam ci.

RUT 3:10

Ani naw, “Bawipa naw hriham ning pe sä, nang naw tuhbäi ung bä ciah kyong khui mah nak cu, na cei ah nu ah khan ah na bi ah ta, bä pi khai ah na m’dang ci nei. Nang naw ak pyam amg mang hmaw chang akda om sei phi, a u kä na cei nak ci.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

LAMKTU 7:48

“Cun ung phi hlüng tai pi ng’bäih ciah Khanpughi cu chang ah cawk ah im ung kä om ci. A i ah kyasei ci ung profet ah ng’thu pyein ung:

MIKHAH 6:6

Khankho Khanpughi khawihnah vai ah lam ung a i nimä ka law püi kaw? Akbä pi seipat hta cu mei ung m’khih ne ap vai ah ka law püi vai aw?

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

2 SAMUEL 2:5

Chang gui cu m’cäi ne tüi gui ci: “Nami bekhüt nak m’dang ne, nami ghangpughang nami htüm cu, Bawipa naw hriham ning pe gui sä.

HEBRU 7:1

Shin ah Melchizedek cu Salem ghangpughang ah kya ne, a hlüngtai säih Khanpughi ah taigü ah kyak ci. Abraham naw ghangpughang paphli tu ne näng ne a law ba ung, Melchizedek naw dou ne phyuhtheh nak pek ci.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

KHEI NAK 18:28

Acun ah mäih ah Israel gui ah nami gah ah bumgha bumät avan ungka Bawipa ah ka ah kyak ciah aktung ah pektak nak cu nangmi naw nami pek vai. Nangmi naw aktung ah shin ah pektak nak cu Bawipa ah hmawk ah taigü Aaron am nami pek vai.

KHEI NAK 24:16

Khanpughi naw a i a pyen ng’ya hning ciah chang, a hlüngtai säih ungka lawk ciah hmuhmat nak gah ciah chang naw ng’ciim ciah mik awn yeikyai nak ka hmuk ci. A hlüngtai säih Khanpughi ah muimang ungka,

SAM 76:3

A cu ah ga gui ah m’la cu khep ne, ami shawi, ami chim, li htei avan cu m’di ci.

DANIEL 4:31

Ng’thu lung am gawng ung kä a luh law pha ung, khankho ah ka ng’thu k’aw gawk lawk ci, “Ghangpughang Nebukhadnezzar, kei ah ka ng’thu cu ngai ä Na mang-im huham cu tuhbäi nang ungka ka lak pyi nei.