ATÜNNAK 14:14 - Cho Bible Common Language 2016

¹⁴ Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci.

ATÜNNAK 14:14 Referans Kwoze

SUKI GUI 18:29

Aming phi m’thawng u ne, Laish ungka naw Dan ah sui ci gui. Cun cu Jakob ah hta, ami pupa Dan ah ming ah kyak ci.

ATÜNNAK 15:3

Nang naw ka htapa vai kä na pek ci sei, ka changshäm naw ka pakhui m’düng khai kyak ci nei” cik ci.

THUSHÄUTU 2:7

Kei naw changshäm akda ka hleih ci, ka kyongkhui ung changshäm gui ah hta gui phi om ci. Jerusalem ung om tu man ciah chang gui ah tak man phung ah da pi ciah seime ka tak ci.

THULÄÄN NAK 34:1

Moses cu Moab khawdo ungka naw Nebo m’htung ah hteit ci. Cun ungka naw Jerikho ah hni kyak lam Piskah m’htunglai ung hteit ci. A cu ah Bawipa naw khaw avan m’hnuh ci. Cun cu Kilead khopäng, a siiptäng Dan gawnu ung khüt ci.

ATÜNNAK 17:27

Abraham ah changshäm gui awn a täng ah vun-ah nak bik ci goi.

ATÜNNAK 17:12

Nami htangshon ung pami ah nami hta phung cu hnüüp cheit a lüng ung vun-ah nak nami bi vai. Nami changshäm naw nami kyong ah a hta nak la nami chang hleih phi vun-ah nak nami bi pek vai.

ATÜNNAK 12:5

Abram cu akchu Sarai la atu Lotah ni, a changshäm gui ni, a khawh cham gui ni pawng püi ne, Haran khaw ungka naw Kanaan khaw ah hteit ci. Ngami cu Kanaan khaw ah gawk u neta,

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.

SAM 68:12

“Ghangpughang la a gakap gui cu dawng ci gui.” Im ah om shüt ciah hnumi gui naw ami khäm cu ng’pai ci gui.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

ATÜNNAK 23:6

“Saya aw ngai ä, nang cu angvai hta ah kami ning ngai ci nei; keimi ung om ciah ng’cim hmun akni pi ung nak chu cu m’cim ä. Ng’cim hmun kami ning pek ah phäh ah keimi kami van kami yei khai nei” cik ci gui.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ATÜNNAK 13:8

Abram naw Lotah am, “Nik ni cu ng’mätzah goi ah ni kyak ci. Nang ah chang gui la kei ah chang gui ah ng’lak ah ng’tuk gen nak kä om men sä.)

ATÜNNAK 12:16

Ghangpughang naw cun ah hnumi ah phäh ah Abram cu khinchah na ne, htaw gui, me gui, vantang gui, sela gui, kala uk gui la changshäm gui akda cu pek ci.

NG'THU K'THUUK~ 17:17

Teihpüii gui naw angtai sei yumhni nak m’dang ci gui, Cumbawng nak ka ng’lung lak nak ung a i hawkcha ah ng’phai nau vai aw?

ATÜNNAK 14:12

Abram ah atu Lotah cu Sodom ah om ci. Ani phi pha u ne, a khawh cham mah ah hteh püi ci gui.

ATÜNNAK 14:16

Ga gui naw ami hteh püi gui avan la ba ne, atu Lotah la a khawh cham gui, hnumi gui la chang gui avan cu law püi ba gui ci.

ATÜNNAK 17:23

A cu hnüüp Khanpughi ah ng’thu ngai neta Abraham naw a htapa Ishmaela cu vun-ah nak bi pek ci. A im ung om ciah pami avan la changshäm, chang hleih gui phi vun-ah nak bi pe gui ci.

1 GHANGPUGHANG GUI 15:20

Ghangpughang Benhadad naw Asa ah ng’ge püi cu yum neta a gabawi gui la gakap gui cu Israel mang gaw gui tuk khai gui ah tüi gui ci. Ngami naw Ijon, Dan, Abel Beth Maakah, Kalile tuinu pei ung la Naphtali khawpäng avan cu khäm ci gui.

JEREMIAH 41:12

ami chang gui awn a hnu ah läk law u ne kibeon ung tui k’büm nu pei ah k’pha ci gui.

1 SAMUEL 30:19

a i phi kä k’pawih nak ci. David naw a chang gui ah hta pami, hta hnumi gui la Amalek chang gui naw ami hteh püi avan cu gah ba ci.