ATÜNNAK 14:13 - Cho Bible Common Language 2016

¹³ Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.

ATÜNNAK 14:13 Referans Kwoze

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

ATÜNNAK 14:24

Ka mät ah chaw ah a i phi kä ka lak khai. Ka chang gui ah kaa bäng ka khäm ba khai. Cun ung phi ka teihpüi gui Aner, Eshcol, Mamre ni cu ami kaa gah ba yawp khai gui.

ATÜNNAK 40:15

Kei cu Hebru kho ah ami na hton ah kyak ci, Egypt khaw ung phi thawng kyum nak vai ka katnak kä om ci nei” cine pyen ci.

PHILIPPIAN 2:5

Bawi Khrit ung om ciah m’lung ngaih cu nang mi ung phi om sä:

2 KORIN 11:22

Cun ung phi chang tumat cu ak gu ah mäih ah ang thu ah a kyak ung, kei phi acun ah mäih ah ka ng’thu khai nei Cun cu gu ng’thu ah kyak ci nei. Cun ah chang gui cu Hebru ah ami kyak ung kei phi acun, Israel ah ami kyak ung, kei phi acun, Abraham ah hta ng’shon ah ami kyak ung kei phi acun,

JONAH 1:9

Jonah naw, “Kei cu Hebru chang nei, Khomdek la tuinu tüisho ciah Bawipa, Khankho Khanpughi cu ka khawihnah ci nei” cik ci.

JOB 1:15

Sabean chang gui naw ang ghit ah tu law u ne, avan m’guk ci gui nei. Ngami naw na changshäm gui avan ngawn ci gui nei. Kei bäng ka pawih ci, Nang am ng’thu ning m’thein khai ah kei bäng ka phyawng ci nei.”

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

KHEI NAK 21:21

Cun kawn ah Israel chang gui naw Amorit ghangpughang Sihon am shin ah ng’thu m’thein khai chang tüi ci gui.

PHYAWN NAK 2:11

Moses cu ng’vai law ne a chang gui, Hebru gui ah hteit neta, aktä ah bii ami bi sak gui cu hmuk ci. Moses ah amätyah chang gui Egypt chang naw ana ngawn sei phi hmuk ci.

PHYAWN NAK 2:6

Ghangpughang ah hta hnumi naw cun ah dawn cu hmawng neta a hmaw hta cu hmuk ci. A hmaw hta cu kyap sei ani naw m’gein neta, “Shin cu Hebru a hmaw hta ah kyak ci” cik ci.

ATÜNNAK 43:32

Joseph cu tawnglang tumat ung ngok ci, a phäinau gui cu tawnglang tumat ung ngok ci gui. Egypt chang gui cu a hei ung ngo tu hnga ci gui, a i ah kyasei ci ung Egypt chang gui cu Hebru chang gui awn vun ne kä ei hlük ci gui.

ATÜNNAK 41:12

Hebru chang nong tumat phi a cu ah thawng kyum tuk ci, ani cu gabawi ah shäm ah kyak ci. Keini naw ka ning mang m’thein ni ngäta, ani naw na k’phlan pe goi ci.

ATÜNNAK 10:16

Kanaan ah hta ba gui cu Jebusit gui, Amorit gui, Kirakashit gui,

ATÜNNAK 39:14

a changshäm gui cu khü ne, “Teng vä, ka cei ah law püi shin ah Hebru chang naw na yawshe na gui ci nei. Ani naw ka ih nak kyong ah lut law ne, na yaw hlük ci nei, cun ung phi kei cu nisei ka m’lau ci nei.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ATÜNNAK 21:27

Abraham naw htome ni, seipat ni cu Abimelek am pe sei, ngani cu ng’thukhän ci goi.

ATÜNNAK 21:32

Beerasheba ung cun ah ng’thu ami khan kawn ah Abimelek la Phikol cu Philistia khaw ah hteit ba ci goi.

PHYAWN NAK 3:18

“Ka chang gui naw na ng’thu cu ngai khai gui nei. Nang cu Israel ng’vai gui awn a täng ah Egypt ghangpughang ah hteit neta, “Bawipa, Hebru gui ah Khanpughi naw, amät cu keimi ung m’than lawk ci nei. Keimi bung ah hnüüp thum kami hteh vai na pe gui ä, bungpuk ah pe ta ne Bawipa Khanpughi cu kami khawihnah khai nei” nami ci vai.

KHEI NAK 13:23

Ngami cu Eshkola ah hteit ci gui, acu ah khäng ät ah m’theih ciah singban tumat chuk ci gui. Cun cu gih aih sei chang hnih naw htung awn thawng ne ng’lak na ne ani kawh ah kyak ci. Ngami naw htale theih la thei gui phi law püi ci gui.

JEREMIAH 34:9

ami Hebrew hlei htein gui, pami hnumi atäng ah m’hlawt vai ah k’bäi ci gui, cun ah kyasei a u ung phi ami Israel — Chang pawhle hten kä um ba ci.

ATÜNNAK 21:24

Abraham naw, “Shai ka tak ci nei” cik ci.

1 SAMUEL 29:3

Philistin gabawi gui naw hmu gui u neta, “Shin ah Hebrew chang gui a i hawi lawk ci gui ang?” cik ci gui. Achish naw, “Shin cu David, ghangpughang Saul ah bawi, ani cu kei awn a täng ah a om shou law hta ci. Ani cu kei ah a law ung tün ne, kei naw hma ciah ka hmuh vai ah a i phi kä bik ci,” cik ci.