ATÜNNAK 14:10 - Cho Bible Common Language 2016

¹⁰ Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui.

ATÜNNAK 14:10 Referans Kwoze

ATÜNNAK 19:17

Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

ATÜNNAK 19:30

Lotah Zoar gawnu ung a om ba vai ah kyi law neta, a hta hnumi goi awn a täng ah khomhtung ah kai ne, lung khui ung om ci gui.

JEREMIAH 48:44

Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

ATÜNNAK 11:3

Ngami cu ami mät ng’thu u ne, “Uk pyang ne akni ah mi ng’shai khai nei” cik ci gui. Cun ah kyasei im ami cawh nak vai ah uk gui la ami m’htak nak vai gui cu gah ci gui.

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

JOSHUA 8:24

Israel gui naw ga gui cu kyang täng ung gawt tuba gui u ne, ami van ngawn gui ci gui. Cun kawn ah Ai ah hteit ba ui ne, acu ah phi ami van ngawn gui ci gui.

ATÜNNAK 14:3

Cun ah ghangpughang hma cu Siddim khaw ng’nawi ung ng’bum ci gui. Cun cu tuhbäi Tuisi ah kyak ci.

ATÜNNAK 14:9

Ngami naw Elam, Koiim, Babilonia la Ellasar ghangpughang gui cu tuk u sei, hma naw phli cu ng’tuk püi ci gui.

ATÜNNAK 14:11

Näng ciah ghangpughang phli naw Sodom la Komorrah ungka ei awk gui mah mah ah a päng avan cu la u neta hteit ba ci gui.

ATÜNNAK 14:17

Chedorlaomer la a hei ghangpughang gui tu ne näng gui neta, Abram cu law ba ci. Ani do khai ah Sodom ghangpughang cu Shaveh (Ghangpughang ah khaw ng’nawi) khaw ng’nawi ah gawk lawk ci.

ATÜNNAK 14:21

Sodom ghangpughang naw Abram am, “Khawh cu avan na lak vai, chang gui cu avan na na pek ba vai nei” cine pyen ci.