ATÜNNAK 13:8 - Cho Bible Common Language 2016

⁸ Abram naw Lotah am, “Nik ni cu ng’mätzah goi ah ni kyak ci. Nang ah chang gui la kei ah chang gui ah ng’lak ah ng’tuk gen nak kä om men sä.)

ATÜNNAK 13:8 Referans Kwoze

LAMKTU 7:26

Angawi ung Israel chang gawi ng’tuh ni sei hmuh gawi netah, Moses naw, “Nang ni cu ng’phäi nau gawi ah kiah netah a i vai na ni ng’tuk ang” ci neh m’chah gawi ci.

SAM 133:1

Khanpughi ah chang gui m’lung ngaih ät sei atäng ah om cu, cäicat aih vai, yeikyai aih vai kyak ci nei!

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

NG'THU K'THUUK~ 20:3

Gu k’taak ci phung naw ng’tuk vook tün hning ci. M’tamkhah nak cu ngami ah akpung ah om ci.

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.

ATÜNNAK 45:24

Cun kawn ah a phäinau gui am, “Lam ah kä nami ng’tuk vook en vai” cine m’cäi gui ne, tüi ba gui sei a phäi gui cu hteit ba ci gui.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.

1 PETER 2:17

Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

HEBRU 13:1

Krihta ah kya ne tumat la tumat nami yumhni tu vai nei.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

1 THESSALONIAN 4:9

Zum ci gui nami mät nami ng’hni tu vai ah mawng cu ca guk vai kä hlü ci. Nami mät gui nami ng’hni tu vai ah nami mät cu Khanpughi naw ning m’thein gui pyi ci.

PHILIPPIAN 2:14

Nami bi vai om ci phung cu kä ng’sutsi kä ng’cuhcan ne nami bi vai nei.

MATTHE 5:9

“Dimdeeih nak bik ci gui yeikyai vä; Khanpughi naw a hta ah ning khü gui khai!

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

PHYAWN NAK 2:13

A ngawi ung mä hteit ba ne, Hebru chang goi ana ng’tu ni sei hmu goi ci. Ani naw hma ciah chang am, “A i ah kyasei na Hebru chang paw na thah ang?” cine ng’shik ci.

ATÜNNAK 13:9

Cun ah kyasei khaw ni ng’pai khai. Khaw avan ungka na m’hni nak täng ghü ne na hteh vai, kei cu vangtäng ung ka hteit khai” cine pyen ci.

ATÜNNAK 46:34

geing na ne nami pyen vai, keimi kami ghin ah chuih seime kami vuh ci, kami pupa ah bi ah kyak ci, nami ci vai, cun ung Koshen hmun ung ning om sak gui khai. Joseph naw cun ah a pyen cu Egypt chang gui naw htome shäm gui awn a täng ah a i kä ami bi hlü ah hmawk ah kyak ci.

ATÜNNAK 14:14

Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci.

SUKI GUI 9:26

Ebed ah hta Kaala cu a phäi nau gui awn Shekhem ah lawk ci, Shekhem chang gui naw ani cu yum ci gui.