ATÜNNAK 13:7 - Cho Bible Common Language 2016

⁷ Abram ah sei shäm ci gui la Lotah ah sei shäm ci gui phi a shäng shäng ng’gen ne ng’tuk ci gui. (Cun sang ung Kanaan chang gui la Perissit chang gui phi acun ah khaw ung om yah ci gui.)

ATÜNNAK 13:7 Referans Kwoze

ATÜNNAK 26:20

Kerara gawnu ah ka htawme shäm gui naw, Isaak ah htawme shäm ci gui am, “Shin cu keimi ah tui nei” cine ng’cuh püi gui u khäta, Isaak naw cun ah tuishawk cu “Esek” ah aming sui ci.

ATÜNNAK 12:6

Shekhem hmun theing, Moreh sing ghing aktheing ah kung ah gawk ne hteit ci gui. (Cun sang ung cun ah khaw ah Kanaan chang gui om yah ci gui.)

JAMES 3:16

M’thüi m’khang nak la m’yawmhau nak cun naw, kä ng’käkhtäng nak la shetkat nak a hlü hlü om sak ci,

1 PETER 2:12

Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.

JAMES 4:1

Nangmi ung ng’tuk ah nak la ng’vookshan nak cu a hawi ah kaa gawk lawk ci ang? Cun gui cu nami m’lung kyong ung phu ne ng’kiah ciah lünlawi nak vai, ng’yak nak hlü aih ungka lawk ci nei.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

1 THESSALONIAN 4:12

Cun ung nangmi cu Khritha gui ah kä kyak ciah chang hei gui ah, chang m’sui nak nami gah khai. A u ung ng’yung phya ne nami kiak vai phi kä hlü khai nei.

KOLOSE 4:5

Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

PHYAWN NAK 2:17

Cun ung phi htome shäm gui naw cun ah hnumi hta gui cu k’täm gui ci gui. Cun ah kyasei Moses naw hteit ne gung tu gui ne, ami htome gui ah awk vai tui than tu pe gui ci.

ATÜNNAK 21:25

Abimelek ah changshäm gui naw, ami ng’cuh ah tui shawk ah mawng pyen ne, Abimelek cu Abraham naw k’she nak ci.

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

ATÜNNAK 46:34

geing na ne nami pyen vai, keimi kami ghin ah chuih seime kami vuh ci, kami pupa ah bi ah kyak ci, nami ci vai, cun ung Koshen hmun ung ning om sak gui khai. Joseph naw cun ah a pyen cu Egypt chang gui naw htome shäm gui awn a täng ah a i kä ami bi hlü ah hmawk ah kyak ci.

NG'THU K'THUUK~ 20:3

Gu k’taak ci phung naw ng’tuk vook tün hning ci. M’tamkhah nak cu ngami ah akpung ah om ci.

MAKUH 3:25

Kyong khui ät ung chang gui ami m’lung ngaih ng’pai sei ami küüt-neet ung ami kyong khui cu ng’pai yawp khai nei.