ATÜNNAK 13:18 - Cho Bible Common Language 2016

¹⁸ Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

ATÜNNAK 13:18 Referans Kwoze

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ATÜNNAK 14:13

Cun ungka phyawng ciah chang naw Abram am a mawng gui cu m’thein lawk ci. Ani cu Amorit chang Mamre ah sing ghing theing ah pei ah om ciah Hebru chang ah kyak ci. Mamre la a phäi goi Eshkola la Anera cu Abram ah teihpüi gui ah kyak ci.

ATÜNNAK 8:20

Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

SAM 16:8

Kei cu angtäi sei Bawipa ah ma ah ka om ci; ani naw na et sei, kei cu a i naw kä na k’hnün hlawt ci.

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

ATÜNNAK 37:14

Apa naw, “Na phäi gui ami gai la htome gui ami phyawn ah hteit ne teng neta, na na m’thein law ba vai nei” cine m’cäi ne, Hebron khaw ng’nawi ah ka Shekhem ah a hteh vai ah tüi ci. Joseph cu Shekhem ah gawk ne

ATÜNNAK 13:4

acun ung sonkiang co ci. Acun ung ani naw Bawipa khawihnah ci.

JOSHUA 14:13

Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

ATÜNNAK 23:2

Ani cu Kanaan khaw Hebron gawnu ah si khäta, Abraham cu anghtei ah thüi kyap ci.

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

ATÜNNAK 26:25

Isaak naw a cun ung khawih kiang co ne, Bawipa cu khawihnah ci. A cun ung phung tu u ne a chang gui naw tui phi shawk ba ci gui.

JOSHUA 15:13

Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

2 SAMUEL 2:1

Cun kawn ah David naw Bawipa ah ma ah, “Kei naw hteit ne Judah gawnu tumat mat la ne ka k’pan vai ang?” cik ci. Bawipa naw, “Ä” cik ci. David naw, “A hawn ah gawnu ang?” cik ci. Bawipa naw, “Hebron” cik ci.