Biblia Todo Logo
Bib sou entènèt

- Piblisite -




ATÜNNAK 13:16 - Cho Bible Common Language 2016

16 Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

Gade chapit la Kopi




ATÜNNAK 13:16
38 Referans Kwoze  

Israel gui ah htangshon cu m’vut khui ah mäih ah kyak ci gui. Ngami cu khei plah gui vai ah da aih ci gui. Khanpughi ah chang tumat mat ah mäih ah kei ah khaw hnüüp gui cu nang pyi sak ä. Düng ciah chang ah mäih ah dimdeeih nak ung na sih sak ä.”


Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.


Nang naw shai na tak nak ung, a päng ung ka näng vai ah na m’htei ne, tuinu kem ah lai gin chü ah chang naw kä khei tai vai ah ka ng’shon khai ah na pyen pyi ci nei” ciah kyak ci.


Shin ung na chang ah na ghü gui ah chang gui ah ng’lung ah kei ka om ci nei, cun ah chang gui cu da aih u sei kä khei gui hlawt vai kyak ci.


Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.


Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.


Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.


Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.


Ka changshäm David ah htangshon gui cu ka da sak gui khai, Levi pakhui taigü gui cu ka da sak gui khai, cun ah kyasei ngami cu Khankhomik ung aisi gui la tuinu kem ah laigin ah mäih ah kä khei tai vai ah kyak khai gui.”


David ghangpughang naw akhokum kum’ku ah ka ung chang gui cu kä khei gui ci, a i ah kyasei ci ung Israel chang gui cu khankho ah aisi chü ah da khai gui ah pyang gui khai ah Bawipa naw shaitak a bi pyi ah phäh ah kyak ci.


Ani naw David Ghangpughang am gakap ung bii bi hning ciah chang gui khei ne am thein law ba cu: Israel ung 1,100,000, Judah ung 470,000 ah kyak ci.


Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.


Ngami cu ami vuhchah gui la ami im gui am lawk ci gui, khanpeh ng’nawng ah mäih ah da ci gui. Ngami la ami kala-uk gui kä khei tai vai ah da ci gui. Ngami cu law ne cun ah khaw cu m’dimshum cu gui.


Israel gui naw m’shi ami phu phung midianit gui cu Amalekit gui la ng’kiang ma ah om ciah chang gui awn a täng ah tu law gui ci ci gui.


Bawipa nami Khanpughi naw khawmik ung aisi chü ah ning da sak gui ci nei.


Cun ung phi ami hta ng’shon gui Israel chang gui cu akda ah hta u sei, chang khli ah püi ne khüighat u ne, Egypt khaw ung be ci gui.


Ani naw, “Kei Khanpughi, napa ah Khanpughi nei, Egypt khaw ah na hteh vai ah kä na kyih en vai nei. Cun ah khaw ah na hta ng’shon gui cu pakhui dämduh ah ka pyang khai nei.


Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.


Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.


Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.


Shin ah changshäm ah hta phi akda ah ka ng’shon sak khai, cun gui phi pakhui na ne om khai gui, ani phi na hta ah kyak ci.


Ani ah htangshon gui cu dämduh ne m’gäi ciah pakhui ah kyak khai gui. Chang pakhui avan cu ani awn hriham ka pek khai.


Ishmaela ah phäh ah nang naw na ng’yoih cu ka ng’yak ci, ani am hriham ka pek khai, a hta akda, a htangshon akda ka pek khai. Ani cu bawimang gha lei goi ah pa ah kyak khai. A htangshon cu pakhui küi ah kyak khai.


Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.


Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.


Abraham cu ak si ah mäih ah a kyak te ung phi, ani ah hta ng’shon gui cu, Khankho mik ah aisi chü ah mäih, tuinu kem ah käk khei tai vai ah laigin chü ah mäih ah da ci nei.


Khankho chang naw pyen bamä ne, “Chang naw kä a khei tai vai ah da khai ah ka ning shon sak khai.


Nang am thukhän ka ning pek khai, ka ning pung piah sak khai” cine pyen nak ci.


cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.


O Bawipa Khanpughi, kapa ung shaitak na bi cu kümbe sak ä. Khei ne kä khei tai vai ah chang gui ah khan ah ghangpughang ah na na pyang ci.


A cun ung mü ät ami ih kawn ah Jakob naw a phäi Esau am a pek vai ah a vuh chah avan ungka,


Nang ung khu m’kim khaw ung khu ng’thoot ne a lim ah mäih ah na hta gui da khai.


Swiv nou:

Piblisite


Piblisite