ATÜNNAK 13:15 - Cho Bible Common Language 2016

¹⁵ Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

ATÜNNAK 13:15 Referans Kwoze

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

ATÜNNAK 35:12

Kei naw Abraham la Isaak am ka pek ah khaw cu nang am ka ning pek khai nei, cun cu na htangshon am phi ka pek khai nei” cine pyen nak ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

LAMKTU 7:5

Cun yah ung Khanpughi naw cun ah khaw ung Abraham am khawh a i phi kä pek ci, khomdek dawng veing hta phi kä pek ci. Cun ung phi cun ah khaw cu, amät am phi bäi, a hta nau gui am phi bäi avan ka ning ap khai ciah shai tak ci. Cun yah ung Abraham ung a hta kä om phak ci.

SAM 37:29

Düng ciah chang gui cu khaw päng u ne, ngawi yä pui m’ca khai gui.

SAM 37:22

Bawipa naw hriham am shum phyuk ah chang naw khaw päng ci, cun ung phi Bawipa naw a plah taam cu gawt ne k’täm khai.

MATTHE 5:5

“Am lung hnip ne a om nik ciah chang gui yeikyai vä; Nangmi ung Khanpughi ah shaitaak cu kümbe khai!

KHEI NAK 34:2

Shin ah m’shümthein nak gui cu Israel chang gui ah hmawk ah pek ci: Nangmi kei naw ka ning pek gui ah Kanaan khaw ung nami luh law ung, nami khawpäng ah khawgi gui cu shin cha ah kyak khai.

PHYAWN NAK 33:1

Bawipa naw Moses am, “Nang la Egypt khaw ah ka na law püi ah chang gui naw shin ah hmun cu hteh ta vä, Abraham, Issak, Jakob la ami hta ng’shon gui am kei naw ka shaitak ah khaw ah hteit vä.

ATÜNNAK 48:4

Ani naw kei am, “Kei naw nang am hta akda ka ning pek khai, cun ah kyasei na ng’shon cu pakhui akda ah kya lawk khai. Shin ah khaw cu na hta ng’shon am ka pek khai. Ngami naw ngawi yä ami khaw nak vai nei” cik ci.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

ISAIAH 63:18

Keimi, nang ah thingcim ciah chang gui cu, a shäng hta ung kami ga gui naw na k’täm gui ci gui nei: Nang ah pum lm phi ngami naw kai nak ci gui nei —

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

ATÜNNAK 18:18

Ani ah htangshon gui cu dämduh ne m’gäi ciah pakhui ah kyak khai gui. Chang pakhui avan cu ani awn hriham ka pek khai.

ATÜNNAK 13:17

Tuhbäi hteit ne khaw hmun avan na teng vai. Shin ah khaw avan cu tuhbäi ka ning pe lawk khai nei” cine pyen ci.

ATÜNNAK 15:7

Cun kawn ah Bawipa naw, “Kei cu, nang naw shin ah khaw na khäm vai ah, Babilonia khaw, Ura gawnu ungka ning law püi ciah Bawipa ah ka kyak ci nei” cik ci.

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

1 SHONTÄP NAK 16:18

Kei naw Kaanan khaw cu ka ning pe gui khai, cun cu nami mät ah kaa ah kyak khai” cine pyen ci.