ATÜNNAK 12:8 - Cho Bible Common Language 2016

⁸ Cun kawn ah a htumtäng ungka naw, Bethlela mang gaw ah hni law lam khawgui ah ng’plon ba ne, hni kyak lam Bethlela la hni law lam Ai ah ng’lak ung phung tu ne om ci gui. A cun ung khawih kiang co ne Bawipa cu khawihnah ci gui.

ATÜNNAK 12:8 Referans Kwoze

NEHEMIAH 11:31

Benjamin pakhui chang gui cu Keba, Michmash, Ai, Bethela a pei yung pigaw gui,

ATÜNNAK 4:26

Seth cu pamihta ah hta ne Enosh ah a ming sui ci. Cun sangung chang gui naw, khawihnah nak ung Khanpughi ah ming theing cu htungmang lawk ci gui.

ATÜNNAK 21:33

Abraham naw Beerasheba ah mangken geit neta, angtäi ghing ciah Bawipa Khanpughi cu khawihnah ci.

1 KORIN 1:2

Korin gawnu ung Khanpughi ung ng’bum ciah chang gui la, a kho päng ungka mi Bawi la ami Bawi ah Bawipa Jesuh Khrit khawihnah ciah chang avan la, Bawi Khrit Jesuh ung kawngät nak awn Khanpughi ah chang avan la, Bawi Khrit Jesuh ung kawngät nak awn Khanpughi ah chang theing ah a khü gui ah chang gui am ca ning guk law gui nei.

ATÜNNAK 28:19

Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

ATÜNNAK 13:4

acun ung sonkiang co ci. Acun ung ani naw Bawipa khawihnah ci.

LAMKTU 2:21

Cun yah ung Khanpughi ah ng’hui neh k’tai gü ci gui cu, hun nak gah khai gui” ciah Khanpughi naw pyein ci.

JOEL 2:32

Cun ung phi Bawipa ah ng’huipaa ci phung cu hun gui khai. Bawipa naw a pyen ah mäih ah, Jerusalem ung am shah cu phyawng khai; kei naw ka ghü gui cu k’pawih khai gui.

ISAIAH 10:28

Ga ah gakap gui naw Ai mang gaw cu tu ne khäm ci gui! Ngami naw Migron gawnu cu kan lawk ci gui! Ngami naw ami sho ei cu Michmash ung nawng shüt ci gui!

SAM 116:4

Cun kawn ah Bawipa ka khü cu, “Ka ng’hui ci nei, Bawipa, na hun ä!”

JOSHUA 18:22

Beth Arobah, Zemaraim, Bethela,

JOSHUA 8:17

Ai ung om ciah chang avan naw Israel gui cu gawt ci gui. Mang gaw cu ak auh ah ami nawng shüt, ghung khai a u kä om ci.

JOSHUA 8:3

Cun ah kyasei Joshua naw a gakap gui avan pawng püi ne, Ai ah hteh vai ah pawng ci. Ani naw a gakap akbäpi phya thumkip ghü neta, mü ung tüi gui ne,

JOSHUA 7:2

Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

ATÜNNAK 8:20

Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

ATÜNNAK 13:3

Cun ungka ani cu ng’plon ba shüi shüi neta, Bethela khaw täng ah hteit ba ci. Ani ayan a om nak man te ah kyak ciah Bethela lah Ai ah ng’lak ah gawk ba ne,

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

ATÜNNAK 26:25

Isaak naw a cun ung khawih kiang co ne, Bawipa cu khawihnah ci. A cun ung phung tu u ne a chang gui naw tui phi shawk ba ci gui.

JOSHUA 8:9

Cun ah kiasei Joshua naw tüi gui sei, ngami cu ami ng’thuh nak vai ah hteit ne a cu ah ngäng ci gui. Cun cu Ai ah akhei täng, Ai la Bethela ah ang lak ung ah kyak ci. Joshua cu cun ah mü phung ung om ci.

JOSHUA 8:12

Ani naw gakap phia hmakip la gui neta, mang gaw ah akhei täng Ai la Bethela ah ng’lak, ng’thuh nak ung tha gui ci.

1 SAMUEL 30:27

Ani naw cun gui cu, Bethela ung chang gui, Judah a htum lam Ramah ung chang gui, Jattir gawnu gui ung chang gui,

ATÜNNAK 31:25

Jakob cu Kilead m’htung ah phung tu ne om sei, Laban phi a chang gui awn a täng ah a cu ah phung tu ne om tuk ci gui.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

PHYAWN NAK 17:15

Moses naw kiaang co neta, “Jehovahnisi, Bawipa cu kei ah Näng nak nei” cine a ming sui ci.

JOSHUA 8:30

Cun kawn ah Joshua naw Ebala m’htung khan ah Israel Khanpughi, Bawipa ah hmawk ah sonkyang co ci.

JOSHUA 22:10

Reuben, Kad la a kyangtäng Manasseh pakhui gui cu Keliloth, Jordan ah akhei täng ung gawk law u neta, ngami naw tuinu kem ung akdäm angtai ah sonkyang cu co ci gui.

SUKI GUI 6:24

Kideon naw acun ung Bawipa am soukiang cawh pen eta ang ming a sui cu, “Bawipa cu Dimdeeih nak” ciah kyak ci. (Cun cu Ophrah ung tuhgüt ng’düi ci, cun cu Abiezer pahta ah ka ah kyak ci.)