ATÜNNAK 12:7 - Cho Bible Common Language 2016

⁷ Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

ATÜNNAK 12:7 Referans Kwoze

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ATÜNNAK 18:1

Mamre sing ghing theing bung ah Abraham ah ma ah Bawipa ang dang ah mawng cu; khaw hnüüp lunglai yah ung Abraham naw a phung m’kawt pei ah ngo ne dan netah,

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

ATÜNNAK 13:4

acun ung sonkiang co ci. Acun ung ani naw Bawipa khawihnah ci.

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

PHYAWN NAK 33:1

Bawipa naw Moses am, “Nang la Egypt khaw ah ka na law püi ah chang gui naw shin ah hmun cu hteh ta vä, Abraham, Issak, Jakob la ami hta ng’shon gui am kei naw ka shaitak ah khaw ah hteit vä.

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

ATÜNNAK 26:25

Isaak naw a cun ung khawih kiang co ne, Bawipa cu khawihnah ci. A cun ung phung tu u ne a chang gui naw tui phi shawk ba ci gui.

KHEI NAK 32:11

“Kei naw ng’tam ne ka pyen cu, ngami kei ung kä ami hläkhäm ah hmawk ah, khaw kum ku law ci la cun ah däm pi ciah chang gui la Egypt khaw ah ka lawk ciah chang gui cu, Abraham, Isaak la Jakob ni am shai ta ne kei naw ka pek gui ah khaw ung kä lut tuk khai gui.

ATÜNNAK 12:8

Cun kawn ah a htumtäng ungka naw, Bethlela mang gaw ah hni law lam khawgui ah ng’plon ba ne, hni kyak lam Bethlela la hni law lam Ai ah ng’lak ung phung tu ne om ci gui. A cun ung khawih kiang co ne Bawipa cu khawihnah ci gui.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

ROMAN 9:8

Abraham ah hta ng’shon avan cu Khanpughi ah hta gui ah kä kyak ci, Khanpughi ah shaitaak awn ng’tüi lawk ciah chang gui cun vah, Abraham ah hta ng’shon akcang ah kyak ci gui.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

ATÜNNAK 17:3

Abram cu a hmai m’kyum ne kawp khätah Khanpughi naw,

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

KALATIAN 4:28

Phäi nau gui aw, nangmi cu Isaak ah mäih ah Khanpughi ah shaitaak awn nami ng’tüi ciah hta gui nami kyak ci.

THULÄÄN NAK 30:20

Bawipa nami Khanpughi cu m’hni yum vä, a bet ng’yah vä, bekhüt vä, cun ung nangmi ah nami htangshong gui cu nami pughi gui Abraham, Issak, la Jakob am apet ah kho ung ghi ne nami ghing khai.

THULÄÄN NAK 6:10

Bawipa nami Khanpughi naw nami pupa gui, Abraham, Issak la Jakob ni ung a shaitak ah mäih ah nami mät naw kä nami cawh ah ng’shawng kau ne, bühmang ciah mang gaw gui ah om nak ah khaw cu ning pe gui khai.

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

PHYAWN NAK 6:3

Abraham, Isaak la Jakob ni ah ma ah M’gäi ciah Khanpughi ah ka ng’dang ci. Cun ung phi ka ming theing cu Bawipa ah ami na hmat vai ah ka mät naw ka mät kä ka bik ci.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 8:20

Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

LAMKTU 7:5

Cun yah ung Khanpughi naw cun ah khaw ung Abraham am khawh a i phi kä pek ci, khomdek dawng veing hta phi kä pek ci. Cun ung phi cun ah khaw cu, amät am phi bäi, a hta nau gui am phi bäi avan ka ning ap khai ciah shai tak ci. Cun yah ung Abraham ung a hta kä om phak ci.

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.

ATÜNNAK 13:17

Tuhbäi hteit ne khaw hmun avan na teng vai. Shin ah khaw avan cu tuhbäi ka ning pe lawk khai nei” cine pyen ci.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

ATÜNNAK 35:12

Kei naw Abraham la Isaak am ka pek ah khaw cu nang am ka ning pek khai nei, cun cu na htangshon am phi ka pek khai nei” cine pyen nak ci.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

PHYAWN NAK 17:15

Moses naw kiaang co neta, “Jehovahnisi, Bawipa cu kei ah Näng nak nei” cine a ming sui ci.

PHYAWN NAK 24:4

Bawipa ah ang thumkhän cu Moses naw avan guk ci. A ngawi ung khaw ngawi hta Moses naw m’htung nawi ah sonkiang co neta, lungtung gha lei goi ng’ling ci.

KHEI NAK 26:53

“Pakhui gui am ami yaw däm ah ciah khaw na k’pai gui vai.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

JOSHUA 8:30

Cun kawn ah Joshua naw Ebala m’htung khan ah Israel Khanpughi, Bawipa ah hmawk ah sonkyang co ci.

JOSHUA 22:10

Reuben, Kad la a kyangtäng Manasseh pakhui gui cu Keliloth, Jordan ah akhei täng ung gawk law u neta, ngami naw tuinu kem ung akdäm angtai ah sonkyang cu co ci gui.

SUKI GUI 6:24

Kideon naw acun ung Bawipa am soukiang cawh pen eta ang ming a sui cu, “Bawipa cu Dimdeeih nak” ciah kyak ci. (Cun cu Ophrah ung tuhgüt ng’düi ci, cun cu Abiezer pahta ah ka ah kyak ci.)

1 SAMUEL 7:17

Ani cu Ramah a im ah hteit ba ci, acun cu taga suki ah bi abi nak ah kyak ci. Ramah ah ani naw Bawipa ah hmawk ah mangkiang co ci.

2 SAMUEL 24:25

Cun kawn ah ani naw Bawipa am sonkiang cu cawh neta, m’khih ne pek nak la hmuh-chum nak pek nak cu douthak ci. Ani ah taigü cu Bawipa naw ngai sei, Israel khaw ung leigai ng’düm ci.

1 GHANGPUGHANG GUI 18:32

Cun ah lung gui awn ani naw Bawipa khawihnah nak vai ah sonkiang cu co ba ci. Acun ah angveing ung tui leter 14 lon nak vai ah m’yawng cu co ci.

1 SHONTÄP NAK 16:18

Kei naw Kaanan khaw cu ka ning pe gui khai, cun cu nami mät ah kaa ah kyak khai” cine pyen ci.

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

2 SHONTÄP NAK 20:11

Shin cu ami na thung nak gui ah kyak ci — ngami law u ne, na na pek nak gui ah khaw ungka na k’täm gui ci gui.

EZRA 3:2

Jehozadak ah hta Joshua la ak taigü paw gui, shealatiela ah hta Jerubabel la amätyah gui naw atäng ah Israel Khanpughi ah sonkiang cu co ba ci gui. Cun ah kya ne Khanpughi ah chang Moses ah thukhän ung ami guk ah mäih ah ngami naw sonkiang khan ung m’khih ne khawihnah nak cu bik ci gui.

JEREMIAH 3:18

Israel cu Judah awn ng’dawn ne, khaw ah a siiptäng om k’tu khaw ah ka law u ne, nami pupa gui am angtäi sei ami kaa nak vai ah ka pek gui ah khaw ung lawk khau gui.