ATÜNNAK 12:6 - Cho Bible Common Language 2016

⁶ Shekhem hmun theing, Moreh sing ghing aktheing ah kung ah gawk ne hteit ci gui. (Cun sang ung cun ah khaw ah Kanaan chang gui om yah ci gui.)

ATÜNNAK 12:6 Referans Kwoze

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

THULÄÄN NAK 11:30

(Shin ah khomhtung gui cu, Jordan tuinu ak khei täng, Jordan khawg nawi ung om ci gui ah Kanaanit chang gui ah khopäng ah kyak ci. Cun gui cu ak khei täng ah vang shawng ci, Kilkal gawnu pei ah Morah sing ghing theing gui awn kä ng’shawng ci.)

ATÜNNAK 35:4

Cun ah kyasei ngami naw ami khanpughi gui la ami hnga naak gui avan cu Jakob am pek ci gui. Jakob naw cun gui cu Shekhem pigaw pei hlim sing kaa ah k’phuh ci.

SUKI GUI 7:1

Hnüüp ät ung Kideon la a chang gui avan cu khongawi hta ah tho law u ne, Harod tui m’lawi pei ah phung tuk ci gui. Midianit gui ah phung cu ngami ah a siiptäng Horeh m’htung pei khawnawi ung om ci.

ATÜNNAK 13:7

Abram ah sei shäm ci gui la Lotah ah sei shäm ci gui phi a shäng shäng ng’gen ne ng’tuk ci gui. (Cun sang ung Kanaan chang gui la Perissit chang gui phi acun ah khaw ung om yah ci gui.)

LAMKTU 7:16

Ami gok gui cu Shehem pigaw ah hteh püi gui netah Hamora pahta ni ah Abraham naw ngui awn a thawn ba ah ng’cim hmun ung m’cim gui ci gui.

JOHAN 4:5

Ngami cu Samria kho Jakob naw a hta Josef-am a peit ah lo pei ah, Saika pigawnu ah gawk lawk ci gui.

1 GHANGPUGHANG GUI 12:1

Rehoboam cu Shekhem ah hteit ci, a cu ah a siiptäng ah om ciah Israel gui ami van ng’bum u ne, ani cu ghangpughang ah hmoh ci gui.

SUKI GUI 9:1

Kideon ah hta Abimelek naw anu ah mät yah gui ami van ah om nak Shekhem gawnu ah hteit neta, a pyen nak gui cu,

JOSHUA 24:32

Joshua ah a pumsa, Israel chang gui naw Egypt ah ka ami law püi ba cu, Shekhem ung phuh ci gui. Cun cu Jakob naw Shekhem ah pa, Hamora ah hta gui ah a hleih ah khawbung ah vang ah kyak ci, ngui phia awn a hleih ah kyak ci. Cun ah khaw cu Joseph ah htangshon gui naw khui m’düng ci gui.

JOSHUA 20:7

Cun ah kyasei Jordan ah akhei täng, Kalile khaw, Naphtali khawgui ung Kedesh; Ephraim khawgui ung Shechem; Judah khawgui ung Hebron gui cu ghü ci gui.

ATÜNNAK 34:2

Cun ah khaw uk ciah Hivit pakhui Hamora ah hta Shekhem ami ng’vaipi naw ani cu hmu neta phye ne k’pyei ci.

ATÜNNAK 33:18

Jakob cu Mesopotamia ah kaa a law ba lam ah Kanaan khaw Shekhem mang gaw ah gawk ne, a cun ah gaw pei ah im co ne om ci.

ATÜNNAK 10:15

Kanaan ah hta gui ung angvaipi cu Sidon la anau Heth — ngani cu ming mah ne ng’shon ci goi ah kyak ci.

1 GHANGPUGHANG GUI 12:25

Israel Ghangpughang Jeroboam naw Ephraim kho gui ah Shekhem gawnu cu ng’vongpaang ne, a cu ah a shäng om ci. Cun kawn ah acun cu hteh ta ne Penuela gawnu cu vongpaang ci.

SAM 60:6

A theing ciim hmun ung om neta Khanpughi naw, “Nängnak awn Shekhem cu ka k’bo khai, Sukkoth kho ng’nawi cu ka chang gui awn ka pe gui khai.

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

HOSEA 6:9

Taigü gui cu chang guttep khai gui ah ng’mah ci gui ah m’guk ei ng’bum gui ah mäih ah kyak ci gui. Theingcim ciah hmun shekhem ah hteh nak lam ung phi chang ngawn ci gui. Ngaminaw shin ah mäih ah akshe avan cu ngaih-tüh ge neta bik ci gui.