ATÜNNAK 12:3 - Cho Bible Common Language 2016

³ Hriham ning pek ci cu, Hriham ka pek khai, Ning plah taam ci cu, Ka plah taam khai, Nang ung chang pakhui avan cu, Hriham ka pek khai” cine pyen ci.

ATÜNNAK 12:3 Referans Kwoze

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

ATÜNNAK 22:18

Kei ah ka ng’thu cu na ngaih ah hmawk ah khaw ah kaa ung chang pakhui avan naw, nang ah htangshon awn hriham gah khai gui” cik ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

KHEI NAK 24:9

Pakhui cu m’gäi ciah kawng hlui ah mäih ah kyak ci. Ani a ih sang ung a u naw kä m’tho dat ci. Israel am hriham pek cicu hriham gah khai, Israel plah tam cicu plah tam hmuk khai.”

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

KALATIAN 3:16

Tuhbäi Khanpughi ah shaitaak cu Abraham la a hta ng’shon ah hmawk ah kyak ci. Cacim ah pyein cu “Hta shon gui” chang akda a pyein ah kä kyak ci, “Hta shon” chang tumat a pyein ah kyak ci, aming cu Bawi Khrit ah kyak ci.

ATÜNNAK 18:18

Ani ah htangshon gui cu dämduh ne m’gäi ciah pakhui ah kyak khai gui. Chang pakhui avan cu ani awn hriham ka pek khai.

ROMAN 4:11

Cun ah Abraham cu Khanpughi naw k’bäi ne a dou kawn ah vun-ah nak cu bik ci. Cun ah vun-ah nak abi ah mawng cu, Khanpughi naw Abraham ah yum nak cu hmu netah, vun-ah nak kä abi pha ung, chang düng ah k’bäi ne a dou cu saksi ah ng’dang khai ah am hnüt nak ah kyak ci. Cun ah kya sei Abraham cu vun-ah nak kä abi ung phi, Khanpughi a yum nak awn, chang düng ah k’bäi ne dou nak gah ci gui ah Pa ah kya lawk ci.

PHYAWN NAK 23:22

Nang naw ani ngai ne ka thumkhän phung na bi ung na gai gui avan ka tuthat gui khai.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

ATÜNNAK 30:27

Laban naw, “Ka pyen hlü cu, Bawipa naw nang ung hriham ana pek cu ka hmat pyi ci nei.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

ATÜNNAK 39:5

Cun ung tün ne Joseph ah hmawk ah Bawipa naw Egypt chang ah kyongkhui la im khawh avan la lo lai gui cu hriham pek ci.

ATÜNNAK 30:30

Azan na khawh apihta te, tuhbäi da lawk ci. Bawipa naw kei ah bi nak ung hriham ning pek ci nei. Tuhbäi ka mät naw ka kyong khui pyang ne ka om vai a khin gawk lawk ci nei” cik ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 25:11

Abraham a sih kawn ah Khanpughi naw Isaak cu hriham pek ci. Ani cu “Ghing ne kei na hmuk ciah tuishawk” ah pei ah om ci.

ATÜNNAK 26:29

Nang naw phi kä na na plawh kheih gui vai, keimi naw phi kä kami ning plawh kheih khai. Keimi naw kami ning m’hni ci nei, akding gei ah na hteh ba sak gui ä. Nang cu Bawipa naw hriham a pek ah na kyak ci nei” cik ci gui.