ATÜNNAK 12:2 - Cho Bible Common Language 2016

² Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 12:2 Referans Kwoze

2 SAMUEL 7:9

Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

ATÜNNAK 18:18

Ani ah htangshon gui cu dämduh ne m’gäi ciah pakhui ah kyak khai gui. Chang pakhui avan cu ani awn hriham ka pek khai.

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.

ATÜNNAK 46:3

Ani naw, “Kei Khanpughi, napa ah Khanpughi nei, Egypt khaw ah na hteh vai ah kä na kyih en vai nei. Cun ah khaw ah na hta ng’shon gui cu pakhui dämduh ah ka pyang khai nei.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

KALATIAN 3:7

Cun ah kyasei Khanpughi akcang ah yum ci gui cu, Abraham ah hta ng’shon gui ah kyak ci, cicu nami hmat vai nei.

PHYAWN NAK 1:7

Cun ung phi ami hta ng’shon gui Israel chang gui cu akda ah hta u sei, chang khli ah püi ne khüighat u ne, Egypt khaw ung be ci gui.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 15:5

Bawipa naw akpung ah luh law püi neta, “Khankhawmik dan ne, aisi gui cu khei shüm ä, na htangshon cu shin ah aisi chü lawk khai nei” ciah kyak ci.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

PHYAWN NAK 32:10

Tuhbäi, ka omdüt vai ah kä na tha en nak vai, kei ka m’lungshe pyi ci nei. Kei naw ka m’di gui khai nei. Cun kawn ah nang la na hta ng’shon gui cu pakhui küi ah ka ning pyang gui khai nei” cik ci.

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

ROMAN 4:11

Cun ah Abraham cu Khanpughi naw k’bäi ne a dou kawn ah vun-ah nak cu bik ci. Cun ah vun-ah nak abi ah mawng cu, Khanpughi naw Abraham ah yum nak cu hmu netah, vun-ah nak kä abi pha ung, chang düng ah k’bäi ne a dou cu saksi ah ng’dang khai ah am hnüt nak ah kyak ci. Cun ah kya sei Abraham cu vun-ah nak kä abi ung phi, Khanpughi a yum nak awn, chang düng ah k’bäi ne dou nak gah ci gui ah Pa ah kya lawk ci.

KHEI NAK 14:12

Kei naw leigai chah ne ka m’di gui khai nei. Cun ung phi kei naw nangmi cu ngami ah ta huham mah pi ne ng’shwng kau pi ciah pakhui ah pa ah ka ning pyang gui khai nei!” cik ci.

1 GHANGPUGHANG GUI 1:47

Cun kawn ah phi mang gaw bawi gui cu ami bawipa, David ghangpughang chang m’sui khai gui ah hteit u neta, a nang ah Khanpughi naw Solomon cu nang ah ta mingthang pi khai ah pyang sä, Solomon ah uknak cu nang ah ta bämang pi sä! David ghangpughang cu a ih nak ung khawihnah neta,

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

ATÜNNAK 24:1

Abraham cu ang htei ah ghi lawk ci, Bawipa naw a bi päng cu hriham pek ci.

ATÜNNAK 25:11

Abraham a sih kawn ah Khanpughi naw Isaak cu hriham pek ci. Ani cu “Ghing ne kei na hmuk ciah tuishawk” ah pei ah om ci.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

KHEI NAK 22:12

Khanpughi naw Balaam cu pyen nak ci, “Shin ah chang gui ah yung ah kä na hteh tu vai. Israel chang gui kä na plah tam en gui vai. A i ah kyasei ci ung ngami ung kei ah hriham om ci.”

KHEI NAK 23:20

Hriham pek vai ah kei cu na m’shüm thein pyi ci. Khanpughi naw hriham a pek cu kei naw kä ka m’hlan ba hning ci.

SAM 107:38

Ani naw a chang gui cu m’shum phyuk gui sei akda ah hta nau ci gui; ami sei mak gui kä ken nin law vai ah cik ci.

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”

ATÜNNAK 17:20

Ishmaela ah phäh ah nang naw na ng’yoih cu ka ng’yak ci, ani am hriham ka pek khai, a hta akda, a htangshon akda ka pek khai. Ani cu bawimang gha lei goi ah pa ah kyak khai. A htangshon cu pakhui küi ah kyak khai.

JOB 35:8

Nang ah katnak awn yaica ci gui la akni na bi nak awn bawm nak gah ci gui cu na chang paw gui ah kyak ci gui nei.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.