ATÜNNAK 12:18 - Cho Bible Common Language 2016

¹⁸ Ghangpughang naw Abram cu khü neta, “Nang naw kei ah khan ah a i hawkcha ah na bi ang? Ani na chu ah a kyak ah mawng cu, a i ah kyasei kä na pyen ang?

ATÜNNAK 12:18 Referans Kwoze

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

1 SAMUEL 14:43

Cun kawn ah Saul naw Jonathan am, “A i ang na bi” cik ci. Jonathan naw, “Htungka kawh cawn tawk ne, khoitui api hta ka ei ci nei. Shin ung kei ka si ge khai ah ka om ci nei” cik ci.

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

PHYAWN NAK 32:21

Ani naw Aaron am, “Shin ah mäih ah kyih she ciah shetkat nak ami bi vai ah nang naw na ci gui cu, ngami naw nang ah khan ah a i bi u sei ang?

ATÜNNAK 44:15

Joseph naw, “A i ah nami kyak ci ang? Kei ung cüivai lunglang nak a om cu kä nami hmat ne ma?” cik ci.

ATÜNNAK 31:26

Laban naw Jakob am, “A i ah kyasei kei ah kä hmat ah ka hta hnumi gui cu chang ami pha ah mäih ah na dawng püi gui ang?

ATÜNNAK 4:10

Khanpughi naw, “A i ah kyasei shin ah akshe na bi ang? M’dek ung long ciah na nau ah si naw phu tuk vai ah mäih ah k’aw awn na khü ci nei.

ATÜNNAK 3:13

Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

ATÜNNAK 12:19

A i ah kyasei ani cu kei naw ka lak vai ah na be ah na pyen ang? Na chu hteh püi ba ne hteit ba ä” cine pyen nak ci.

ATÜNNAK 20:3

Mü ät ung Khanpughi cu ang mang ung dang law neta, “Nang cu shin ah hnumi na k’chu nak ah phäh ah na sik khai, shin cu ami chu ah kyak ci” cine pyen nak ci.

ATÜNNAK 29:25

A ngawi ung khawngawi hta ah kya khäta ani cu Leah ah kyak ciah Jakob naw hmat ci. Ani cu Laban ah hteit neta, “A i hawkcha ah na bi ang? Kei cu Rachelah vah ka hlawh ci, a i ah kyasei na na m’hleei ang?” cik ci.

SUKI GUI 2:2

Nangmi naw Shin ah khaw ung om ciah chang awn api ah phi thukhän kä nami bi vai. Nangmi naw ami sowkyang gui cu nami phyet vai kyak ci. Cun ung phi ka pyen ah mäih ah nangmi naw kä nami bik ci. Nangmi naw hnu ng’tuk khai nami bik ci!

2 SAMUEL 3:24

Cun ah kyasei Joab naw ghangpughang ah hteit neta a pyen nak cu, “A i ah kyasei cu cha düt ah na hteh ba sak ang?