ATÜNNAK 12:15 - Cho Bible Common Language 2016

¹⁵ Bawi ng’vai gui naw phi hmu u neta, kyom aih ci, cine ghangpughang am m’thein u sei, ani naw mang im kyong ah la ne hteh püi ci.

ATÜNNAK 12:15 Referans Kwoze

ATÜNNAK 20:2

ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

JEREMIAH 46:17

“Egypt ghangpughang cu ming k’thai pe vä — ‘Pamcai ciah chang, ak chaw nawng ci.’

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

NG'THU K'THUUK~ 6:29

Chang hei ah chu ih püi vai cu a cun ah mäih ah kyih vai ah kyak ci nei. Acun bik ci phung cu khüikha nak gah khai nei.

SAM 105:4

Bawipa naw a ning m’htei gui vai ah a pei ah hteit vä; ang däih ah khawihnah vä.

2 GHANGPUGHANG GUI 18:21

Egypt naw ning bawm khai ah na ngaih u ci nei, cun ung phi ani cu m’long ng’shopawng nak ah mäih ah kyak khai — acun cu hnget ne na kut ung ning shun khai. Cun cu Egypt Ghangpughang chang naw a ngaih u ung a cu cha ah a kyak thei su ah kyak ci.

1 GHANGPUGHANG GUI 3:1

Solomon naw Egypt ghangpughang ah hta hnumi chu na ne, ng’khawtsheng nak bik ci. Ani naw achu cu David mang gaw ah law püi ne, amang im, Taigüim la Jerusalem gaw k’pang kä ah cawh pha yawp ah chuih acun ung om sak ci.

PHYAWN NAK 2:15

Cun ah a mawng cu ghangpughang naw ng’ya neta, Moses cu ngawn vai ah k’tha nak ci. Cun ung phi Moses cu dawng ne Midian khaw ah hteit ne om tuk ci. Hnüüp ät ung Moses cu tuishawk pei ah ngok ci. Cun sang ung Midian Taigüpa, Jethro ah hta hnumi gui chih cu tui than khai gui ah law u ne, ami pa ah htome gui la me gui ah awk vai tuikan ung tui k’be ci gui.

PHYAWN NAK 2:5

Ghangpughang ah hta hnumi cu tui ng’si khai ah tuinu ah law sei, a changshäm gui cu tuikemah ami hteh shüi yah ung, ang ghit ah phiphät hmu ah dawn cu hmu neta, a changshäm am lak sak ci.

ATÜNNAK 41:1

Khokum goi alüng kawn ah Egypt ghangpughang cu ang mang she ba ci; Ani cu Nile tuinu kem ah ng’düi ci.

ATÜNNAK 40:2

Ghangpughang cu cun ah ang vai goi ah khan ah m’lungshe neta,

EZEKIEL 32:2

Ani naw pyen ci, “Hnicim chang, Egypt ghangpughang am ng’cet ciah thukbäi na pek vai nei. Kei ungka shin ah ng’thu cu na pek vai: Nang cu changpakhui gui ah ng’lung ah phongkawng ah mäih ah na hnüntho ci. Cun ung phi nang awn tuinu ung ng’väk ciah k’saam awn natäng pi ci. Nang naw na kho awn tui cu ng’nai sak ne na m’naw sak ci.

JEREMIAH 25:19

Shin cu cun ah khap un gawk ciah ahei chang gui avan ah kyak ci; Egypt ghangpughang abawi gui la angvai gui; Egypt chang gui avan la Egypt kho ung om ciah khuihei chang gui avan; Uz kho ung ghangpughang gui avan; Philistine mang gaw gui ah kyak ciah Ashkelon, Kaza, Ekron ung ghangpughang gui la Ashdod ung k’pawih ba ci gui, Edom, Moab la Ammon ung chang gui avan; Tire la Sidon ung ghangpughang gui avan; Mediteranean khaw ung ghangpughang gui avan; Dedam, Tema la Buz mang gaw gui; alu aktawi ah k’tei ciah chang avan; Arabia ghangpughang gui avan; Khong gau khaw pakhui gui ah ghangpughang gui avan; Zimri, Elam la media ghangpughang gui avan; Ashou, ang et ungka gui, assip täng ghangpughang gui avan ah kyak ci. Khomdek khan ah chang pakhui nü cu acun ung awk khai gui. Akhnu ah Babilonia ghangpughang naw acun ung awk khai.

ATÜNNAK 12:14

Egypt khaw ah ami gawk ung Egypt chang gui naw, hmu u neta, “A chu kyom ci” cik ci gui.

ATÜNNAK 26:7

Rebekka cu ang htei ah kyom ci kyasei, chang gui naw Rebekka cu ng’ya hlü u neta, acei Isaak cu ami ngawn vai ah ng’ä ne, chang gui naw ami ng’shi ung Isaak ah chu ah kä pyen ne, abe ah a pyen vai ah m’cäi ci.