ATÜNNAK 12:13 - Cho Bible Common Language 2016

¹³ Cun ah kyasei nang cu ka ning be ah na pyen vai. Cun ung nang ah hmai teng ne kei cu na k’phyawn ne, na m’hteihtang khai gui” cine pyen ci.

ATÜNNAK 12:13 Referans Kwoze

ATÜNNAK 26:7

Rebekka cu ang htei ah kyom ci kyasei, chang gui naw Rebekka cu ng’ya hlü u neta, acei Isaak cu ami ngawn vai ah ng’ä ne, chang gui naw ami ng’shi ung Isaak ah chu ah kä pyen ne, abe ah a pyen vai ah m’cäi ci.

ATÜNNAK 20:2

ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

ATÜNNAK 20:5

Abraham naw ani cu ka be nei cik ci, amät naw phi a cun ah pyen ci. Kei naw shin cu düng nak awn ka bi ah kyak ci nei, ka katnak a i kä om ci nei” cine pyen ci.

EZEKIEL 18:4

Chang nü ah ghin nak cu kei naw ka k’pang ci, nupa gui ghin nak phi ka k’pang cik, hta nau gui ah ghin nak phi ka k’pang ci. Katnak bik ciah Chang cu sik khai ah kyak ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

ATÜNNAK 11:29

Abram naw Sarai chu nak ci, Nahor naw Milakah chu nak ci. Milakah cu Haran ah hta hnumi ah kyak ci. Iskah cu ani ah hta ah kyak ci.

KOLOSE 3:6

A shin ah a mawng gui awn Khanpughi ah m’lung she nak cu, thukhän ng’yak ciah chang gui ah khan ah gawk lawk khai.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

ATÜNNAK 12:14

Egypt khaw ah ami gawk ung Egypt chang gui naw, hmu u neta, “A chu kyom ci” cik ci gui.

JEREMIAH 38:17

Cun kawn ah kei naw Zedekiah am ka m’thein cu, M’gäi ciah Bawipa, Israel Khanpughi naw pyen ci, “Nang cu Babilonian ghangpughang ah bawi gui ah ma ah na kut na chah ah a kyak ung, nang cu na ghing khai, shin ah mang gaw phi mei awn kä m’khih khai gui. Nang la na kyongchang avan nami ghing khai.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.