ATÜNNAK 12:10 - Cho Bible Common Language 2016

¹⁰ Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

ATÜNNAK 12:10 Referans Kwoze

ATÜNNAK 43:1

Kanaan khaw ah ei vai ng’ceet law pi pi ci.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 7:11

Cun yah ung Egypt lah khanan khaw ung khaw yaw sei gein vai ci gui. Mi pupa gui cu ami ei vai kä om ba ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

JEREMIAH 14:1

Khaw a käu vai ah mawng Bawipa naw ana pyen nak cu,

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

SAM 105:13

Ngami cu kho tumat ungka naw a hei kho ah, uknak tumat ungka naw a hei uk nak ah püi ne hteit ci gui.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

2 GHANGPUGHANG GUI 6:25

Cun ah kya ne mang gaw kyong ah ei vai maih ne khak aih sei laa ah lu tumat ngui cheitkip, ng’yungsu akhawk ngui phe hma ah kyak ci.

2 GHANGPUGHANG GUI 4:38

Hnü ät ung ami khaw avan ung ei vai maih sei Elisha cu Kilkal ah law ba ci. Ani naw prophet bum gui am thei gui yah ung, achangshäm am, k’am nu am kawm kyäng ne antui ami shon vai ah m’thein ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

RUT 1:1

Suki gui naw ami uk sangung, cun ah kho ah kho yaw ci, Judah khaw Bethlehem ah ka chang tumat cu Moab khaw ah im tuk khai ah hteit ci, amät, akchu la a hta goi ni hteit ci gui.

ATÜNNAK 47:13

Khaw she aih ne khaw päng ung ei vai kä om ba ci. Egypt khaw la Kanaan khaw ung chang gui ei cawi geinvai law pi ci gui.

ATÜNNAK 42:5

Kanaan khaw ah ei khaw shek ci kyasei, Jakob ah hta gui cu a hei chang gui awn a täng ah ei hleih khai gui ah lawk ci gui.

ATÜNNAK 41:57

Khomdek khan avan ung kho she khäta, khomdek khan ung chang ah hta akda naw Egypt khaw ah law ne Joseph ah ei ng’zoi lawk ci gui.

ATÜNNAK 41:56

Kho a shet nak cu ka law pi ka law pi ne khaw avan ung gawk ci. Cun ah kyasei Joseph naw ei khei gui hmawng ne Egypt chang gui am yoih na gui ci.