ATÜNNAK 11:6 - Cho Bible Common Language 2016

⁶ Ani naw, “Tuhbäi chang avan cu pakhui tumat ah kya u ne, ami ng’thu tumat bäng om sei, shikcha ah bik ci gui. Shin cu ami tün nak ah kyak ci. Ngami naw ami mät ah ng’yak hlü hlü ah bi law hning ci gui!

ATÜNNAK 11:6 Referans Kwoze

ATÜNNAK 3:22

Bawipa Khanpughi naw, “Chang cu mikmi ungka tumat mat ah mäih ah kya pyi ci, akni la akshe phi hmu hmat pyi ci. Tuhbäi ung chang cu ghin nak ah sing ah theih bit ne ei ne angtäi ghing nak gah khai ah kä khin ba ci nei” ci neta,

ATÜNNAK 11:1

Ak htük ung khomdek khan ah chang avan ung ng’thu tumat bäng om sei, täng ciah ng’thu lung gui mang man ci gui.

LUKA 1:51

Am gäi nak ah a kut awn am lung m’däm ci gui cu, m’taai gui yawp ci.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

ATÜNNAK 9:19

Shin ah Noah ah htapami thum cu, khomdek khan ung chang khli ah ng’shon lawk ci gui.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

SUKI GUI 10:14

Nami mät naw nami ghü gui ah khanpughi gui ah hteit ne kyap m’lau vä. Nangmi yaica nak ung nami gawk law ung acun gui naw ning gung gui u sä” pyen na gui ci.

1 GHANGPUGHANG GUI 18:27

Khaw hnüüp law khäta, Elijah naw gaih tu gui ne a pyen cu, “M’lau pi ne taigü vä! A ni cu a i baw ngaih-tüh ne, käcung, ng’naw phyam ne, käcung, a hawi baw hteit ne kyak khai nei! Käcung ip bawk khai, cun ah kyasei nami m’thawh vai nei!” cik ci.

AMOS 4:7

Nami geit naw khawtui ang yak hlü yah pi ung kei naw khaw aa ka m’hlat ci. Mang gaw tumat ah khan ah khaw ka aa sak ci, ahei ah khan ah kä ka aa sak ci. Lo tumat ah khan ah khaw yuk aa ci, ahei tumat cu chawng ne ket ci.