ATÜNNAK 11:4 - Cho Bible Common Language 2016

⁴ Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.

ATÜNNAK 11:4 Referans Kwoze

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

LUKA 1:51

Am gäi nak ah a kut awn am lung m’däm ci gui cu, m’taai gui yawp ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

NG'THU K'THUUK~ 10:7

Changnigui cu shüm gui vai. Cun cu phyuhtheh nak ah kyak ci, changshe gui cu ang ghit ah m’hnih gui vai kyak ci.

THULÄÄN NAK 9:1

“Ngai vä, Israel chang gui, tuhngawi nangmi Jordan tuinu nami kat lawk khai, Nangmi ah dämduh pi ne huham mah pi ciah khaw nami tu lawk khai, ami mang gaw gui cu däm ci khawmik ah khüt khai ah ami vongpang ah kyak ci.

2 SAMUEL 8:13

Salt khaw nawi ung Edom chang phia phia la cheit-kip ngawn ne law ba khäta David cu aming thang law pi k’täi ci.

DANIEL 4:11

Cun cu dämda law ne khomik han pha sei, khomdek khan ung chang avan naw a hmuh hning ah kyak ci.

ATÜNNAK 6:4

Cun sangung khomdek khan ah chang angghaw angsau gui om man ci gui. Cun gui cu chang hnumi gui la khanchang gui ah hta gui ah kyak ci. Ngami cu gaigawng mingthang ne om man ci gui.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

SAM 92:9

Na ga gui ami van cu si u sei, changshe gui ami van cu tuh ne na k’täm gui khai cicu kami hmat ci nei.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

SAM 107:26

Htinpaw gui cu kho khi ung, khan ah hang zong u ne, tui a thuuk nak pi ung zu kya ba ci gui. Cun ah kyi ng’ä nak ung htinpaw bik’bi gui cu ami k’tha maih yawp ci,

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”