ATÜNNAK 11:3 - Cho Bible Common Language 2016

³ Ngami cu ami mät ng’thu u ne, “Uk pyang ne akni ah mi ng’shai khai nei” cik ci gui. Cun ah kyasei im ami cawh nak vai ah uk gui la ami m’htak nak vai gui cu gah ci gui.

ATÜNNAK 11:3 Referans Kwoze

ATÜNNAK 14:10

Siidim khaw cu k’paan awn be ciah m’ghawng khui gui bäng ah kyak ci. Sodom la Komorrah ung ghangpughang gui la ami chang gui cu ng’tuk nak ungka dawng u ne, m’ghawng ah lut ne si yawp ci gui. Amshah ghangpughang thum gui cu m’htung täng ah dawng ne phyawng ci gui.

PHYAWN NAK 2:3

Cun ung phi kä thup law ba hlawt neta, mui dawn la ne, tuipan la sing pli awn hluk ne, küm ne pyang neta, acun ung a hmaw hta m’khäp ne, tuikem phiphät hmu ah hmoh ci.

JAMES 5:1

Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!

HEBRU 10:24

Mikmi cu tumat la tumat mi ng’tengkhen tu u neh, mi ng’hteihtang tu u neh, mi ng’yumhni tu u ne, ni kyom ne mi om khai nei.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

ISAIAH 9:10

Ngami naw, “Uk im gui cu pyawn yawp ci nei, cun ung phi keimi naw lung im gui awn kami m’thong ba khai nei. Sing düt ng’laung gui cu chukpit yawp nei, cun ung phi keimi naw m’shing ak’ni ng’laung awn kami m’thawng khai nei.”

2 SAMUEL 12:31

Chang gui phi hlawh gui, k’tu shep, ghei shep la uk ng’shai cu ang ghit ah bi sak gui ci. Ani naw a hei Ammon gawnu gui ung chang gui phi acun ah bi sak gui ci. Cun kawn ah ani la a chang gui cu Jerusalem ah hteit ba ci gui.

JAMES 4:13

Tuhbäi na ngai vä, “Tuhngawi baw, ngawi ung baw, mang gaw tumat ah hteit ne, kho kum ät kami om khai. A cu ah sumlei ne ngui akda kami gah khai,” cine, nangmi amshah naw nami pyein ci.

NAHUM 3:14

Mei ngäng ne pyan nak vai tuina than vai, Na im gaw na khüikhong sak vai. Uk ah pyan vai m’dek na mhnüm vai, m’hnüm ah uk na gah ge vai.

ISAIAH 65:3

Ngami naw kä lü ng’aa ne ka m’lungshe vai ah bik ci gui nei Ngami naw theing ciah dum ung hongzo khawihnah nak cu douthak ci gui, khongyo sonkiang ung tui ng’ui phi m’khih ci gui.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

THUSHÄUTU 2:1

Kei cu ka mät ka yei vai ah om ne, yeikyai nak cu a i ang ci phi hmuh vai ah ka k’bäi ci. Cun ung phi, cun cun phi akholä ah kyak ci, ciah ka hmuk ci.

NG'THU K'THUUK~ 1:11

Avaisü ah ngami naw, “law ä, chang shui ne mi ngawn kaw! Changni cu gaih vai ah ming’tuk püi kaw!

SAM 64:5

Ak shekha pawng püi ne k’tha gui ng’pe tuk ci gui; a hawn ung cun vai cine ng’ge ci gui. “A u naw kä na hmu gui khai” cik ci gui.

ATÜNNAK 11:7

Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci.

ATÜNNAK 11:4

Cun kawn ah ngami naw, “Mang gaw k’süm ne khankho ah hang gawk khai ah tänghän mi co khai. Cun ung mi mät naw mi mät mi mingthang sak ne, khomdek khan ung kä ng’phyeek ng’pai ne mi om khai” cik ci gui.