ATÜNNAK 11:2 - Cho Bible Common Language 2016

² Ngami cu hni law lam ah hteit u ne, Babilonia khonglei do ung gawk ne hmun tuk ci gui.

ATÜNNAK 11:2 Referans Kwoze

ATÜNNAK 10:10

Ani naw ak htük ung a uk cu Babilonia khaw ung Babilon gawnu, Erek gawnu la Akkat gawnu gui ah kyak ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

ATÜNNAK 14:1

Ghangpughang phli ah kyak ciah Babilonia ah kaa Amraphel ah, Ellasar ah kaa Ariok, Elam ah kaa Chedorlaomer, Koiim ah kaa Tidala gui cu,

ZEKHARIAH 5:11

Ani naw, “Babilonia ah hteh püi khai goi nei. A cu ah ani ah hmawk ah Taigüim co khai gui nei. Taigüim ami pyi ung dawn cu acun ung hmoh neta khawihnah khai gui nei” cik ci.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

ATÜNNAK 13:11

Cun ah kyasei Lotah naw Jordon khaw ng’nawi avan cu amät ah hmawk ah ghü neta, hni law lam ah ng’plon ne hteit ci. Cun cu ngani ah ani ng’pai nak ah kyak ci.

ATÜNNAK 11:9

Bawipa naw chang gui ah ami ng’thu cu k’caw pe gui ne, khomdek khan avan ung a püi sak nak gui ah kyasei, cun ah mang gaw cu Babilon ah sui ci gui.

ATÜNNAK 11:1

Ak htük ung khomdek khan ah chang avan ung ng’thu tumat bäng om sei, täng ciah ng’thu lung gui mang man ci gui.