ATÜNNAK 10:9 - Cho Bible Common Language 2016

⁹ Bawipa ah bä nak awn ani cu akbä pi sakaap ah kyak ci. Cun ah kyasei chang gui naw, “Nimrod ah mäih ah akbä pi sakaap ah Bawipa naw ning pyang sä” cine pyen ci gui.

ATÜNNAK 10:9 Referans Kwoze

SAM 52:7

“Teng vä, Shin ah chang cu phyawn vai ah Khanpughi ng’kä yii hnei ci nei, amät ah khawh düt ngaih u ne, akshe lam awn a phyawn nak vai shui ci nei.”

2 SHONTÄP NAK 28:22

Cun ah ani cu a yaica pi sangung ayanka ah ta ka law pi khai ah Bawipa hnungtuk ne katnak bik ci.

ATÜNNAK 27:30

Isaak naw hriham a pek nak ng’pyi sei, Jakob cu a hteh ba vai am, a phäi Esau cu sa yüh te ci law ba ci.

ATÜNNAK 25:27

A hmaw goi cu ng’vai law ni neta, bä ciah sakaap ah kya law ne, bung k’pya ah hteit hton ci, Jakob cu adüm ah om ne im ah om ci.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

ATÜNNAK 6:11

Cun ung phi chang avan cu Khanpughi ah ma ah sheka yawp ci, khomdek khan avan cu cheishoh nak awn be ci.

ATÜNNAK 6:4

Cun sangung khomdek khan ah chang angghaw angsau gui om man ci gui. Cun gui cu chang hnumi gui la khanchang gui ah hta gui ah kyak ci. Ngami cu gaigawng mingthang ne om man ci gui.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

EZEKIEL 13:18

Uktu Bawipa naw a pyen nak gui cu m’thein gui ä: “Nangmi hnumi gui cu name ng’ziin ci nei! Nangmi naw Chang nü am cecai ne kut pat nak pe ne, chang nü am cecai nak ah lupawng name pek ci nei, cun ah kyasei ngami cu ahei chang gui ah ghin nak la sihnak ah huham cu name kaa na hlük ci, cun cu name mät ah phäh ah name mang hlük ci —

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

ATÜNNAK 10:8

Kusha ah htapami tumat cu Nimrod ah kyak ci, ani cu khomdek khan ung näng nah htük ciah kyak ci.

ATÜNNAK 10:10

Ani naw ak htük ung a uk cu Babilonia khaw ung Babilon gawnu, Erek gawnu la Akkat gawnu gui ah kyak ci.

ISAIAH 18:2

Cun ah khaw ung ka shächang gui cu, phiphät gong awn pyan ah hleikaw gui awn Nile tuinu ung kyum lawk ci gui. Nami im ah hteit ba vä, zangkhai ciah shächang gui! Shin ah ng’thu cu, tuinu gui naw am cha ah nami khaw ah thamah ne, huham mah ciah nami pakhui ah, däm ng’shäi ne, kyom ciah nami chang gui, khomdek khun ung van naw akyih gui ah, hteh püi ba vä.