ATÜNNAK 10:5 - Cho Bible Common Language 2016

⁵ Ngami cu tui lawng pei ah ng’lei khan ung om ci gui ah kyak ci. Ngami cu Japheth ah htangshon gui, ami mät ah khaw hnga hnga ung ami pakhui phäh phäh ah om ci gui ah kyak ci. Ami mät ah phakhui phäh phäh ung ami ng’thu phi om phäh phäh ci.

ATÜNNAK 10:5 Referans Kwoze

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

JEREMIAH 2:10

Akhei täng saiprus kho ah hteit vä, Akiang täng Kedar kho ah chang tumat tüi vä. Ngami ah shin ah mäih a i phi kä kya ba sei nami hmak khai nei.

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

ATÜNNAK 10:20

Shin gui cu Ham ah htangshon gui ah kyak ci. Ngami cu ami pakhui phäh phäh ah ami khaw hnga hnga ung om u ne, ami ng’thu phi om phäh phäh ci.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 59:18

Ani naw aga gui cu a shou nak ah khaw ah amiom ung phi ami bi ah ciah m’kyuk gui khai.

ISAIAH 51:5

Kei naw ang ghit ah law ne ka hun gui khai; kei ah näng nak vai ah akhin cu ng’et ci nei. Kei ka mät naw chang pakhui gai ka uk gui khai. Ashou nak khaw ah ka gui naw ka law vai cuna äih ci gui nei. Ngami naw ka hun gui khai ah ngaih u nak awn na äih ci gui nei.

ISAIAH 49:1

Na ngai vä, a shou nak ah om ciah Pakhui gui, a shou nak ah ka nang chang gui! Kei kä ka hmi pha ung Bawipa naw na ghü ne, a changshäm ah na düih ci.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

ISAIAH 41:5

“Ashou nak khaw ah om ciah chang gui naw kei naw ka bi cu hmu pyi ci gui; Ngami cu kyi ne, ng’thüng ne ng’hlet ci gui. Cun ah kyasei ami van law ne ng’bum lawk ci gui.

ISAIAH 40:15

Bawipa ah ma ah chang pakhui gui cu akholä nei, Tui m’ceu ät hlawk ah phi kä kyak ci gui nei: A shou nak ah khawkawng gui cu m’vut ah mäih ah yaang ci gui nei.

ISAIAH 24:15

Ak kyang tang ung om ci gui naw ani cu m’taam khai gui nei. Tuinu ah yung ung om ci gui naw Bawipa, Israel khanpughi cu m’taam khai gui nei.

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

ATÜNNAK 10:25

Eber ung a htapa hnih om ci. Tumat cu Pelek ming nak ci, a i ah kyasei ci ung ani ah khin ung cu ng’pai ci gui ah kyak ci; tumat cu Joktan ming nak ci.

ATÜNNAK 10:4

Javan ah htangshon gui cu, Elishah, Spain, Cyprus la Rodes;

ATÜNNAK 10:6

Ham ah htapa gui cu, Kusha, Egypt, Libya, la Kanaan ah kyak ci — ngami cu ming mah ne ng’shon ci gui ah kyak ci.

EZEKIEL 26:15

Uktu Bawipa naw Tire mang gaw pyen nak vai ah a pyen cu; nangmi tu ne ami ning näng gui yah ung, tuinu kem ah om ciah chang gui cu ami ngawn pha gui ah m’laupyaan ah phäh ah kyi kyawk khai gui.

EZEKIEL 26:18

Tuhbäi acun ah hnüüp a gawk law ung, Tuikoi khokawng gui cu ng’hlet ci gui, Ashinah dishum nak ah phäh ah ami chang gui cu cäicat ci gui.”

DANIEL 11:18

Cun kawn ah ani naw tuinu kem ung om ciah pakhui khaw gui cu tu gui ne akda näng gui khai. Cun ung phi a khaw hei ang vaihta naw ani cu hnim ne, ani ah m’gäi nak cu ng’pyi sak khai. Akcang ah Siria ghangpughang cu ani naw shum sak khai.

ATÜNNAK 9:19

Shin ah Noah ah htapami thum cu, khomdek khan ung chang khli ah ng’shon lawk ci gui.

ATÜNNAK 10:32

Shin gui cu ami pakhui phäh phäh, ami ng’shon lam phäh phäh ah ng’tän ci gui ah Noah ah htangshon gui ah kyak ci. Tuiyiin amü kawn ah khomdek khan ung chang pakhui avan cu Noah ah hta gui ah ng’shon ah kyak ci.

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

ESTA 10:1

Ghangpughang Ahasuerus naw a uknak khaw tuilawng kam täng la khaw kyong täng ung om ciah chang gui cu akgat ah bii bi sak gui ci goi.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.