ATÜNNAK 10:32 - Cho Bible Common Language 2016

³² Shin gui cu ami pakhui phäh phäh, ami ng’shon lam phäh phäh ah ng’tän ci gui ah Noah ah htangshon gui ah kyak ci. Tuiyiin amü kawn ah khomdek khan ung chang pakhui avan cu Noah ah hta gui ah ng’shon ah kyak ci.

ATÜNNAK 10:32 Referans Kwoze

ATÜNNAK 9:19

Shin ah Noah ah htapami thum cu, khomdek khan ung chang khli ah ng’shon lawk ci gui.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

ATÜNNAK 10:1

Shin cu tuiyiin a mü kawn ah Noah ah hta gui, Shem, Ham la Japheth chang pa thum ah htangshon ba gui ah mawng ah kyak ci.

ATÜNNAK 10:25

Eber ung a htapa hnih om ci. Tumat cu Pelek ming nak ci, a i ah kyasei ci ung ani ah khin ung cu ng’pai ci gui ah kyak ci; tumat cu Joktan ming nak ci.

ATÜNNAK 10:20

Shin gui cu Ham ah htangshon gui ah kyak ci. Ngami cu ami pakhui phäh phäh ah ami khaw hnga hnga ung om u ne, ami ng’thu phi om phäh phäh ci.

ATÜNNAK 9:7

“Nangmi cu akda ah nami hta vai nei, nami htangshon gui cu khomdek khan ah be ne om khai gui nei” cik ci.

ATÜNNAK 9:1

Khanpughi naw Noah la a hta gui cu hriham pe gui neta, “Nangmi cu akda ah hta ne khomdek nami be sak vai nei.

ATÜNNAK 10:31

Shin gui cu Shem ah htangshon gui ah kya ne, ami khaw hnga hnga ung ami pakhui phäh phäh ah om u ne, ami ng’thu phi om phäh phäh ci.

ATÜNNAK 11:1

Ak htük ung khomdek khan ah chang avan ung ng’thu tumat bäng om sei, täng ciah ng’thu lung gui mang man ci gui.

ATÜNNAK 10:5

Ngami cu tui lawng pei ah ng’lei khan ung om ci gui ah kyak ci. Ngami cu Japheth ah htangshon gui, ami mät ah khaw hnga hnga ung ami pakhui phäh phäh ah om ci gui ah kyak ci. Ami mät ah phakhui phäh phäh ung ami ng’thu phi om phäh phäh ci.

JOB 15:19

Ngami ah omnak ah kho ung changpakhui hei kä om ci kya sei, ngami Khanpughi awn ng’shawng sak gui khai a u kä om ci.