ATÜNNAK 10:2 - Cho Bible Common Language 2016

² Japheth hta gui cu, Koma, Makok, Madai, Javan, Tubalah, Meshek la Tiras ah kyak ci. Ngami cu ming mah ne ng’shon ci gui ah kyak ci.

ATÜNNAK 10:2 Referans Kwoze

EZEKIEL 38:2

ani naw pyen ci, “Hnicim chang, Makok khaw ung Meshek la Tubala ah pakhui khaw ah uktu ng’vaipi ah kyak ciah Kok cu m’shukcha ä. M’shuk cha ä,

EZEKIEL 38:6

Komer khaw la a siiptäng Beth Tokarmah ungka ng’tuk bik ciah chang gui avan la ahei changpakhui akda ung ka chang akda phi ani awn atäng ah om ci gui.

THU PHLAAN 20:8

m’dek ah khan ung chang avan cu cheishoh sak ne, kok la Makok ah ming ciah ng’tuk bi vai ah ng’cut sak gui khai. Ngami cu tuinu kem ah laigin chü ah da ci gui.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

EZEKIEL 39:1

Uktu Bawipa naw pyen ci, “Hnicim chang, Meshek la Tubala pakhui gui ah uktu angvaipi ah kyak ciah Kod cu m’shukcha ä, kei cu ani ah ga ah ka kyak cu m’thein ä.

EZEKIEL 38:15

a siiptäng na hmun ungka naw, ami van k’se ng’cum ci gui ah, changpakhui akda ungka, huham ah ne dämduh ciah gakap gaphung awn na lawk khai.

EZEKIEL 27:7

Nang ah yawt gui cu linen ah kyak ci, ashou nak ah ka naw phi azäi ah hmat vai kyak ci. Nang ah kho so shung nak cu sui aknipi awn pyan ah kyak ci, cun cu saiprus khokawng ah ka sui am vou ah kyak ci.

ATÜNNAK 10:21

Japheth ah phäi Shem cu Hebru pakhui gui ah ami pa ah kyak ci.

ATÜNNAK 9:27

Khanpughi naw Japheth cu hlüngtai sak sä. A hta ng’shon gui cu Shem ah chang gui awn om ghawm u sä! Kanaan cu Japheth ah changshäm ah kya sä” cik ci.

ATÜNNAK 10:1

Shin cu tuiyiin a mü kawn ah Noah ah hta gui, Shem, Ham la Japheth chang pa thum ah htangshon ba gui ah mawng ah kyak ci.

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

SAM 120:5

Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

EZEKIEL 32:26

“Meshek la Tubal cu ami gakap gui ah ng’phuh hmun gui naw avan ung koi u sei a cu ah om ci goi. Ngami cu ami van vun-ah nak kä bik ci gui, ami van ng’tuk nak ung ami ngawn gui ah kyak ci. Cun ung phi ngami nawk ak ghing gui cu kyihkyawk sak man ci gui.